ਹਰਿਆਣਾ ਸਰਕਾਰ ਨੇ ਐਸ.ਵਾਈ.ਐਲ. ਦੇ ਨਿਰਮਾਣ ਲਈ ਸੁਪਰੀਮ ਕੋਰਟ ਵਿਚ ਫੈਸਲੇ ਲਈ ਲਾਗੂਕਰਨ ਦੀ ਅਪੀਲ ਦਾਇਰ ਕੀਤੀ ਹੋਈ ਹੈ – ਸਿਹਤ ਮੰਤਰੀ

ਚੰਡੀਗੜ੍ਹ – ਹਰਿਆਣਾ ਦੇ ਸਿਹਤ ਮੰਤਰੀ ਅਨਿਲ ਵਿਜ ਨੇ ਕਿਹਾ ਕਿ ਸਾਡੀ ਸਰਕਾਰ ਨੇ ਐਸ.ਵਾਈ.ਐਲ. ਦੇ ਨਿਰਮਾਣ ਲਈ ਸੁਪਰੀਮ ਕੋਰਟ ਵੱਲੋ ਪਹਿਲਾਂ ਦਿੱਤੇ ਗਏ ਫੈਸਲੇ ਲਈ ਲਾਗੂਕਰਨ ਦੀ ਅਪੀਲ ਦਾਇਰ ਕੀਤੀ ਹੋਈ ਹੈ, ਜਿਸ ਦੇ ਫੈਸਲੇ ਤੋਂ ਬਾਅਦ ਯੋ ਕਾਰਵਾਈ ਕੀਤੀ ਜਾਵੇਗੀ׀ ਸ੍ਰੀ ਵਿਜ ਨੇ ਕਿਹਾ ਕਿ ਇਸ ਮਾਮਲੇ ਵਿਚ ਹਰਿਆਣਾ ਦੀ ਇਨੈਲੋ ਤੇ ਕੁਝ ਹੋਰ ਪਾਰਟੀਆਂ ਵੱਲੋਂ ਲੋਕਾਂ ਨੂੰ ਬਹਿਕਾਇਆ ਜਾ ਰਿਹਾ ਹੈ, ਇਸ ਵਿਚ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦਰ ਕੇਜਰੀਵਾਲ ਵੀ ਸ਼ਾਮਿਲ ਹਨ׀ ਉਨ੍ਹਾਂ ਕਿਹਾ ਕਿ ਕੇਜਰੀਵਾਲ ਪੰਜਾਬ ਵਿਚ ਜਾ ਕੇ ਕਹਿੰਦੇ ਹਨ ਕਿ ਉਹ ਹਰਿਆਣਾ ਨੂੰ ਐਸ.ਵਾਈ.ਐਲ. ਦਾ ਪਾਣੀ ਨਹੀਂ ਦੇਣਗੇ ਅਤੇ ਹਰਿਆਣਾ ਵਿਚ ਆ ਕੇ ਪਾਣੀ ਮੰਗਦੇ ਹਨ׀ ਸਿਹਤ ਮੰਤਰੀ ਨੇ ਯਸ਼ਪਾਲ ਮਲਿਕ ’ਤੇ ਬੋਲਦੇ ਹੋਏ ਕਿਹਾ ਕਿ ਲੋਕਤੰਤਰ ਵਿਚ ਅੰਦੋਲਨ ਕਰਨਾ ਤੇ ਆਪਣੀ ਗੱਲ ਰੱਖਣ ਦਾ ਸਾਰੀਆਂ ਨੂੰ ਅਧਿਕਾਰੀ ਹੈ, ਪਰ ਕਿਸੇ ਨੂੰ ਵੀ ਕਾਨੂੰਨ ਹੱਥ ਵਿਚ ਨਹੀਂ ਲੈਣ ਦਿੱਤਾ ਜਾਵੇਗਾ׀ ਇਸ ਸਬੰਧ ਵਿਚ ਹਰੇਕ ਤਰ੍ਹਾਂ ਦੀ ਸਥਿਤੀ ਨਾਲ ਨਿਪਟਨ ਲਈ ਸਰਕਾਰ ਤੇ ਪੁਲਿਸ ਮੁਸਤੈਦ ਹੈ׀ ਉਨ੍ਹਾਂ ਕਿਹਾ ਕਿ ਰਾਓ ਇੰਦਰਜੀਤ ਸਿੰਘ ਭਾਰਤੀ ਜਨਤਾ ਪਾਰਟੀ ਦੇ ਮਜਬੂਤ ਨੇਤਾ ਹਨ׀ ਉਹ ਪਾਰਟੀ ਵਿਚ ਹਰੇਕ ਗਤੀਵਿਧੀ ਵਿਚ ਵੱਧ ਚੜ੍ਹ ਦੇ ਹਿੱਸਾ ਲੈਂਦੇ ਹਨ, ਜਿੰਨ੍ਹਾਂ ਦੀ ਸਾਰੀ ਥਾਂ ’ਤੇ ਗੱਲ ਸੁਣੀ ਜਾਂਦੀ ਹੈ׀ ਸ੍ਰੀ ਵਿਜ ਨੇ ਕਿਹਾ ਕਿ ਜੋ ਪਾਰਟੀਆਂ ਈ.ਵੀ.ਐਮ. ਦਾ ਬਹਾਨਾ ਬਣਾ ਰਹੀ ਹੈ, ਤਾਂ ਇਹ ਸਮਝਨਾ ਚਾਹੀਦਾ ਹੈ ਕਿ ਉਨ੍ਹਾਂ ਪਾਰਟੀਆਂ ਨੇ ਆਪਣੀ ਹਾਰ ਪਹਿਲਾਂ ਹੀ ਪ੍ਰਵਾਨ ਕਰ ਲਈ ਹੈ׀ ਕਾਂਗਰਸ ਜਦੋਂ ਪੰਜਾਬ ਵਿਚ ਚੋਣ ਜਿੱਤਦੀ ਹੈ ਤਾਂ ਉਸ ਨੂੰ ਈ.ਵੀ.ਐਮ. ਠੀਕ ਲਗਦੀ ਹੈ, ਪਰ ਜਿੱਥੇ ਚੋਣ ਹਾਰਦੀ ਹੈ ਤਾਂ ਉਹ ਈ.ਵੀ.ਐਮ. ਤੋਂ ਪਿੱਛਾ ਛੁਟਾਉਣ ਦਾ ਕੰਮ ਕਰਦੀ ਹੈ