ਚੋਰੀ ਦੇ ਕੇਸ ’ਚ 6 ਗਿਰਫਤਾਰ-ਦੋ ਮੋਟਰਸਾਈਕਲ ਸੋਨੇ ਦੇ ਗਹਿਣੇ ਤੇ ਨਗਦੀ ਬਰਾਮਦ

ਮੰਡੀ ਗੋਬਿੰਦਗੜ, 14 ਜੂਨ (ਮਨੋਜ ਭੱਲਾ, ਹਰਜਿੰਦਰ ਧੀਮਾਨ)- ਜਿਲਾ ਪੁਲਿਸ ਮੁਖੀ ਫਤਿਹਗੜ ਸਾਹਿਬ ਸ਼੍ਰੀਮਤੀ ਅਲਕਾ ਮੀਨਾ, ਸ੍ਰੀ ਹਰਪਾਲ ਸਿੰਘ ਐਸ.ਪੀ.(ਇੰਨ.) ਫਤਿਹਗੜ ਸਾਹਿਬ ਦੀ ਨਿਗਰਾਨੀ ਵਿਚ ਸ਼੍ਰੀ ਮਨਪ੍ਰੀਤ ਸਿੰਘ ਡੀ.ਏਸ.ਪੀ ਅਮਲੋਹ ਦੀ ਅਗਵਾਈ ਵਿਚ ਥਾਣਾ ਮੰਡੀ ਗੋਬਿੰਦਗੜ ਦੀ ਪੁਲਿਸ ਨੇ ਦੋ ਵਖ ਵਖ ਮੁਕਦਮਿਆ ਵਿਚ ਰਾਹੁਲ ਕੁਮਾਰ ਪੁਤਰ ਗੁਲਾਬ ਵਾਸੀ ਡੰਡਾਰੀ ਖੁਰਦ ਫੋਕਲ ਪੁਆਇੰਟ ਲੁਧਿਆਣਾ ਤੋਂ ਨਾਕੇਬੰਦੀ ਦੇ ਦੌਰਾਨ ਉਸਦੀ ਮਹਿੰਦਰਾ ਗਡੀ ਵਿਚੋਂ 100 ਪੇਟੀ ਸ਼ਰਾਬ ਬੋਤਲ (ਸੇਲ ਇਨ ਚੰਡੀਗੜ ) ਅਤੇ ਦੋਸ਼ੀ ਮੋਹੰਮਦ ਬਸ਼ੀਰ ਪੁਤਰ ਮੋਹੰਮਦ ਸ਼ਫੀਦ ਵਾਸੀ ਗੋਬਿੰਦਗੜ ਤੋਂ ਉਸਦੀ ਮਾਰੂਤੀ ਕਾਰ ਵਿਚੋਂ 20 ਪੇਟੀ ਸ਼ਰਾਬ (ਚੰਡੀਗੜ ਸੇਲ ਓਨਲੀ) ਬਰਾਮਦ ਕੀਤੀ। ਬਾਅਦ ਵਿਚ ਪੜਤਾਲ ਦੇ ਦੌਰਾਨ ਦੋਸ਼ੀ ਮੋਹੰਮਦ ਬਸ਼ੀਰ ਦੇ ਪਾਸੋਂ 50 ਪੇਟੀ ਸ਼ਰਾਬ ਹੋਰ ਬਰਾਮਦ ਕੀਤੀ ਗਈ । ਦੋ ਅਤੇ ਮੁਕਦਮਿਆਂ ਵਿਚ ਹਰਜੀਤ ਸਿੰਘ ਅਤੇ ਨਰਜੀਤ ਸਿੰਘ ਵਾਸੀ ਗੋਬਿੰਦਗੜ ਦੇ ਤੋਂ ਕ੍ਰਮਵਾਰ 3 ਅਤੇ 2 ਪੇਟੀ ਸ਼ਰਾਬ ਬਰਾਮਦ ਕੀਤੀ ਗਈ । ਇਸਦੇ ਇਲਾਵਾ ਚੋਰੀ ਦੇ ਦੋ ਵਖ – ਵਖ ਮਾਮਲਿਆਂ ਵਿਚ ਨੀਟੂ ਪੁੱਤਰ ਲਾਭ ਸਿੰਘ, ਗੁਰਮੁਖ ਸਿੰਘ ਪੁਤਰ ਓਂਕਾਰ ਸਿੰਘ ਵਾਸੀ ਅਲਦਾਦਪੁਰ ਥਾਣਾ ਅਮਲੋਹ ਅਤੇ ਬਰਿੰਦਰ ਸਿੰਘ ਪੁੱਤਰ ਚਰਨਜੀਤ ਸਿੰਘ ਰੁਪਨਗਰ ਮੰਡੀ ਗੋਬਿੰਦਗੜੇ ਤੋਂ ਰਾਜੇਸ਼ ਗੁਪਤਾ ਵਾਸੀ ਮੰਡੀ ਗੋਬਿੰਦਗੜ ਦੇ ਘਰ ਤੋਂ ਕੀਤੀ ਚੋਰੀ ਦੇ 9 ਤੋਲੇ ਸੋਨਾ ਅਤੇ 24000 ਨਗਦ ਬਰਾਮਦ ਕੀਤੇ ਗਏ । ਦੂਜੇ ਕੇਸ ਵਿਚ ਗੁਰਮੁਖ ਸਿੰਘ ਪੁੱਤਰ ਅਜੀਤ ਸਿੰਘ, ਰੋਹਿਤ ਕੁਮਾਰ ਪੁੱਤਰ ਜਤਿੰਦਰ ਕੁਮਾਰ ਵਾਸੀ ਗੋਬਿੰਦਗੜ ਅਤੇ ਰਾਜੂ ਪੁੱਤਰ ਭੋਲਾ ਵਾਸੀ ਪਿਪਰਸੀ ਯੂ.ਪੀ. ਦੇ ਕੋਲ ਤੋਂ ਚੋਰੀ ਦੇ ਦੋ ਮੋਟਰਸਾਇਕਲ ਬ੍ਰਾਮਦ ਕੀਤੇ ਗਏ । ਪ੍ਰੇਸ ਕਾਂਨਫਰੇਂਸ ਦੇ ਦੌਰਾਨ ਸੁਖਬੀਰ ਸਿੰਘ ਮੁਖ ਅਫਸਰ ਥਾਣਾ ਮੰਡੀ ਗੋਬਿੰਦਗੜ ,ਐਸ.ਆਈ. ਅਮਨਦੀਪ ਸਿੰਘ, ਸਭ- ਥਾਣੇਦਾਰ ਕੇਵਲ ਸਿੰਘ, ਕੁਲਦੀਪ ਸਿੰਘ, ਹਵਲਦਾਰ ਬੂਟਾ ਸਿੰਘ ਹਾਜ਼ਰ ਸਨ