ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਦੀ ਮਾਤਾ ਦੇ ਦਿਹਾਂਤ ‘ਤੇ ਮੁੱਖ ਮੰਤਰੀ ਨੇ ਜਤਾਇਆ ਅਫ਼ਸੋਸ

ਕੁਰੂਕਸ਼ੇਤਰ/ਕਰਨਾਲ, 27 ਜੂਨ (ਜਸਬੀਰ ਸਿੰਘ ਦੁੱਗਲ)- ਹਰਿਆਣੇ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਵੀਰਵਾਰ ਨੂੰ ਕਰਨਾਲ ਜਾ ਕੇ ਭਾਜਪਾ ਜਿਲਾ ਪ੍ਰਧਾਨ ਜਗਮੋਹਨ ਆਨੰਦ ਦੀ ਮਾਤਾ ਜਨਕ ਰਾਣੀ ਦੀ ਮੌਤ ‘ਤੇ ਅਫਸੋਸ ਜ਼ਾਹਰ ਕੀਤਾ ਅਤੇ ਪਰਿਵਾਰਿਕ ਮੈਬਰਾਂ ਦੇ ਨਾਲ ਡੂੰਘੀ ਹਮਦਰਦੀ ਪ੍ਰਗਟ ਕੀਤੀ। ਮੁੱਖ ਮੰਤਰੀ ਨੇ ਇਸ ਮੌਕੇ ਤੇ ਆਪਣੇ ਜਜਬਾਤ ਬਿਆਂ ਕਰਦੇ ਹੋਏ ਕਿਹਾ ਕਿ ਮਨੁੱਖੀ ਜੀਵਨ ਬੇਸ਼ੱਕ ਰੱਬ ਦੀ ਸੱਭ ਤੋਂ ਉੱਤਮ ਕਿਰਿਆ ਹੈ, ਪਰ ਨਸ਼ਵਰ ਹੈ।ਜੋ ਜੀਵ ਸੰਸਾਰ ਵਿੱਚ ਆਉਂਦਾ ਹੈ, ਉਸ ਨੂੰ ਇੱਕ ਦਿਨ ਵਾਪਸ ਵੀ ਜਾਣਾ ਪੈਂਦਾ ਹੈ। ਇਹ ਕੁਦਰਤ ਦਾ ਨਿਯਮ ਹੈ, ਪਰ ਮਨੁੱਖ ਦੇ ਚੰਗੇ ਸੰਸਕਾਰ ਭਵਿੱਖ ਲਈ ਯਾਦਗਾਰ ਬਣੇ ਰਹਿੰਦੇ ਹਨ। ਉਨ੍ਹਾਂ ਕਿਹਾ ਕਿ ਜਿਸ ਤਰ੍ਹਾਂ ਵਿਅਕਤੀ ਪੁਰਾਣੇ ਵਸਤਰ ਤਿਆਗ ਕੇ ਨਵੇਂ ਵਸਤਰ ਧਾਰਨ ਕਰਦਾ ਹੈ, ਠੀਕ ਉਸੇ ਤਰ੍ਹਾਂ ਆਤਮਾ ਵੀ ਇੱਕ ਸ਼ਰੀਰ ਨੂੰ ਛੱਡ ਦੂੱਜੇ ਨੂੰ ਧਾਰਨ ਕਰ ਲੈਂਦੀ ਹੈ।ਇਸ ਦਾ ਨਾਂਅ ਹੀ ਮਰਨਾ-ਜੰਮਣਾ ਹੈ।ਉਨ੍ਹਾਂ ਕਿਹਾ ਕਿ ਸ਼੍ਰੀਮਤੀ ਜਨਕ ਰਾਣੀ ਇੱਕ ਉੱਚ ਸੰਸਕਾਰਿਕ ਵਿਚਾਰਾਂ ਦੀ ਧਨੀ ਸੀ ਅਤੇ ਮਿਲਣਸਾਰ, ਇਮਾਨਦਾਰ ਅਤੇ ਸਭ ਦੇ ਸੁਖ-ਦੁੱਖ ਚ’ ਸ਼ਾਮਲ ਹੁੰਦੀ ਸੀ । ਮੁੱਖ ਮੰਤਰੀ ਨੇ ਆਪਣੀ ਸੰਵੇਦਨਾ ਵਿੱਚ ਕਿਹਾ ਕਿ ਭਗਵਾਨ ਸ਼੍ਰੀਮਤੀ ਜਨਕ ਰਾਣੀ ਨੂੰ ਆਪਣੇ ਚਰਣਾਂ ਵਿੱਚ ਥਾਂ ਬਕਸ਼ੇ। ਇਸ ਮੌਕੇ ਮੁੱਖਮੰਤਰੀ ਨਾਲ ਮੰਤਰੀ ਕਰਣ ਦੇਵ ਕੰਬੋਜ, ਵਿਧਾਇਕ ਹਰਵਿੰਦਰ ਕਲਿਆਣ, ਭਗਵਾਨ ਦਾਸ ਕਬੀਰਪੰਥੀ ਅਤੇ ਬਖਸ਼ੀਸ਼ ਸਿੰਘ, ਓਐਸਡੀ ਅਮਰੇਂਦਰ ਸਿੰਘ, ਕਰਨਾਲ ਦੀ ਮੇਅਰ ਰੇਨੂ ਬਾਲਾ ਗੁਪਤਾ ਮੌਜੂਦ ਸਨ। ਦਸਣਯੋਗ ਹੈ ਕਿ ਜਨਕ ਰਾਣੀ ਦਾ ਦੇਹਾਂਤ 24 ਜੂਨ ਨੂੰ ਹੋ ਗਿਆ ਸੀ ਅਤੇ ਉਹਨਾ ਦਾ ਸ਼ਰਧਾਂਜਲੀ ਸਮਾਰੋਹ 6 ਜੁਲਾਈ ਨੂੰ ਰਾਂਵਰ ਰੋੜ ਸਥਿਤ ਅਨਮੋਲ ਗਾਰਡਨ ਵਿੱਚ ਦੁਪਹਿਰ 2 ਵਲੋਂ 3:30 ਵਜੇ ਹੋਏਗਾ।