ਜਲਾਲਾਬਾਦ, 22 ਮਈ (ਸਚਿਨ ਮੋਂਗਾ)- ਸਥਾਨਕ ਓਮਆਸ਼ਰਮ ਦੇ ਨਾਲ ਲੱਗਦੀ ਮੈਣੀ ਕਲੋਨੀ ਵਿੱਚ ਇੱਕ ਨੋਜਵਾਨ ਦੁਆਰਾ ਆਪਣੇ ਦੋਸਤ ਦੇ ਘਰ ਫ਼ਾਂਸੀ ਲਗਾਕੇ ਆਤਮਹੱਤਿਆ ਕਰ ਲਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਬੋਹੜ ਸਿੰਘ ਪੁੱਤਰ ਨਛਤਰ ਸਿੰਘ (25) ਵਾਸੀ ਗੋਬਿੰਦ ਨਗਰੀ ਜੋ ਕਿ ਵਿਆਹਿਆ ਹੋਇਆ ਸੀ ਅਤੇ ਦੋ ਸਾਲ ਪਹਿਲਾਂ ਉਸਦੀ ਲਵ ਮੈਰਿਜ ਹੋਈ ਸੀ ਜਿਸਦਾ 5-6 ਮਹੀਨਿਆਂ ਦਾ ਇਕ ਬੱਚਾ ਹੈ, ਟੈਲੀ ਸਾਫਟਵੇਅਰ ਕੰਪਨੀ ਮਾਰਕਿਟ ਕਮੇਟੀ ਵਿੱਚ ਬਤੋਰ ਕਲਰਕ ਸੀ ਜਿੱਥੇ ਉਸਦਾ ਦੋਸਤ ਅਮਿਤ ਕੁਮਾਰ ਅਤੇ ਪਿਤਾ ਨਛਤਰ ਸਿੰਘ ਕਲਰਕ ਹੈ । ਐਤਵਾਰ ਦੇਰ ਸ਼ਾਮ ਕੰਮਿਊਨਿਟੀ ਹਾਲ ਵਿੱਚ ਮਾਰਕਿਟ ਕਮੇਟੀ ਵਿੱਚ ਤੈਨਾਤ ਈਸ਼ਵਰ ਸਿੰਘ ਦੀ ਰਿਟਾਇਰਮੇਂਟ ਪਾਰਟੀ ਸੀ । ਦੇਰ ਸ਼ਾਮ ਪਾਰਟੀ ਤੋਂ ਬਾਅਦ ਬੋਹੜ ਸਿੰਘ ਆਪਣੇ ਮਿੱਤਰ ਅਮਿਤ ਕੁਮਾਰ ਦੇ ਘਰ ਮੈਣੀ ਕਲੋਨੀ ਵਿੱਚ ਆ ਗਿਆ। ਕੁੱਝ ਦੇਰ ਬਾਅਦ ਅਮਿਤ ਕੁਮਾਰ ਉਸਨੂੰ ਕਹਿਣ ਲਗਾ ਕਿ ਕੁੱਝ ਦੇਰ ਬਾਜ਼ਾਰ ਚਲਦੇ ਹਾਂ ਇਸ ਉੱਤੇ ਬੋਹੜ ਸਿੰਘ ਨੇ ਕਿਹਾ ਕਿ ਉਸਦਾ ਬਾਜ਼ਾਰ ਜਾਣ ਦਾ ਮਨ ਨਹੀਂ ਹੈ ਉਹ ਜਾ ਆਏ। ਬੋਹੜ ਸਿੰਘ ਦੇ ਮਨਾ ਕਰਨ ’ਤੇ ਅਮਿਤ ਕੁਮਾਰ ਇਕੱਲਾ ਹੀ ਬਾਜ਼ਾਰ ਚਲਾ ਗਿਆ। ਜਦੋਂ ਕਰੀਬ 2 ਘੰਟੇ ਬਾਅਦ ਉਹ ਵਾਪਸ ਆਇਆ ਤਾਂ ਵੇਖ ਕੇ ਹੈਰਾਨ ਰਹਿ ਗਿਆ ਕਿ ਬੋਹੜ ਸਿੰਘ ਦੀ ਲਾਸ਼ ਪੰਖੇ ਦੇ ਨਾਲ ਲਟਕ ਰਹੀ ਸੀ। ਜਿਸਦੀ ਸੂਚਨਾ ਪੁਲਿਸ ਨੂੰ ਦੇਣ ਉਪਰਾਂਤ ਪੁਲਿਸ ਨੇ ਆ ਕੇ ਲਾਸ਼ ਨੂੰ ਪੰਖੇ ਤੋਂ ਹੇਠਾਂ ਉਤਾਰਾ। ਇਸ ਸਬੰਧੀ ਐਸਐਚਓ ਲੇਖ ਰਾਜ ਦੇ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਕਿਹਾ ਕਿ ਲਾਸ਼ ਨੂੰ ਪੋਸਟਮਾਰਟਮ ਲਈ ਫਾਜਿਲਕਾ ਵਿੱਚ ਭੇਜ ਦਿੱਤਾ ਗਿਆ ਹੈ।
