ਲਖਨਊ, 12 ਜੁਲਾਈ (ਪੀ.ਟੀ.)-ਉੱਤਰ ਪ੍ਰਦੇਸ਼ ਦੇ ਮਥੁਰਾ ਜ਼ਿਲੇ ‘ਚ ਪੁਲਸ ਨੇ ਤਸਕਰੀ ਕਰਕੇ ਲਿਜਾਈ ਜਾ ਰਹੀ ਲਗਭਗ 1.5 ਕਰੋੜ ਰੁਪਏ ਦੀ ਅੰਗਰੇਜ਼ੀ ਤੇ ਦੁਰਲੱਭ ਸ਼ਰਾਬ ਬਰਾਮਦ ਕਰਕੇ 2 ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਨੇ ਦੱਸਿਆ ਕਿ ਸੂਹ ਮਿਲਣ ‘ਤੇ ਉਨ੍ਹਾਂ ਨੇ ਰਾਸ਼ਟਰੀ ਰਾਜ ਮਾਰਗ-2 ਕੋਟਬਨ ਸੀਮਾ ਦੇ ਕੋਲ ਵਾਹਨਾਂ ਦੀ ਤਲਾਸ਼ੀ ਦੌਰਾਨ ਤਸਕਰੀ ਕਰਕੇ ਲਿਜਾਈ ਜਾ ਰਹੀ ਸ਼ਰਾਬ ਨਾਲ ਲੱਦੇ 2 ਟਰੱਕਾਂ ‘ਚੋਂ 3500 ਬਕਸੇ ਜ਼ਬਤ ਕੀਤੇ ਤੇ ਦੋਵਾਂ ਚਾਲਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਪੁੱਛਗਿੱਛ ਦੌਰਾਨ ਉਨ੍ਹਾਂ ਨੇ ਦੱਸਿਆ ਕਿ ਸ਼ਰਾਬ ਹਰਿਆਣਾ ਤੋਂ ਗੁਜਰਾਤ ਲਿਜਾਈ ਜਾ ਰਹੀ ਸੀ।



