Skip to content
Independent perspectives. Global stories.
BREAKING

ਪੁਲਿਸ ਵੱਲੋਂ ਡਕੈਤੀ ਦੀ ਯੋਜਨਾ ਅਸਫਲ ਬਣਾਉਣ ਦਾ ਦਾਅਵਾ 9 ਲੋਕਾਂ ਖਿਲਾਫ ਮਾਮਲਾ ਦਰਜ, ਦੋ ਵਿਅਕਤੀ ਗ੍ਰਿਫਤਾਰ,ਇੱਕ ਪਿਸਤੌਲ ਤੇ ਕਾਰਤੂਸ ਬਰਾਮਦ

Share this story

ਤਲਵੰਡੀ ਸਾਬੋ, 2 ਅਗਸਤ (ਰਣਜੀਤ ਸਿੰਘ ਰਾਜੂ) ਤਲਵੰਡੀ ਸਾਬੋ ਪੁਲਸ ਨੇ ਇੱਕ ਡਕੈਤੀ ਦੀ ਵਾਰਦਾਤ ਦੀ ਯੋਜਨਾ ਨੂੰ ਅਸਫਲ ਬਣਾਉਣ ਦਾ ਦਾਅਵਾ ਕੀਤਾ ਹੈ ਜਿਸ ਵਿੱਚ ਪੁਲਸ ਨੇ 9 ਲੋਕਾਂ ਖਿਲਾਫ ਮਾਮਲਾ ਦਰਜ ਕਰਕੇ ਦੋ ਲੋਕਾਂ ਨੂੰ ਗ੍ਰਿਫਤਾਰ ਵੀ ਕਰ ਲਿਆ ਹੈ ਜਿੰਨਾ ਵਿੱਚੋ ਇੱਕ ਤੋ ਪਿਸਤੌਲ ਵੀ ਬਰਾਮਦ ਕੀਤਾ ਗਿਆ ਹੈ।
car
ਜਾਣਕਾਰੀ ਅਤੇ ਦਰਜ ਮਾਮਲੇ ਅਨੁਸਾਰ ਤਲਵੰਡੀ ਸਾਬੋ ਪੁਲਸ ਥਾਣਾ ਮੁਖੀ ਰਸ਼ਪਾਲ ਸਿੰਘ ਨੂੰ ਇੱਕ ਵਿਅਕਤੀ ਨੇ ਮੁੱਖਵਰੀ ਦਿੱਤੀ ਕਿ ਕੁੱਝ ਲੋਕ ਮਾਰੂ ਹਥਿਆਰ ਲਿਜਾ ਕੇ ਕਿਸੇ ਡਕੈਤੀ ਦੀ ਵਾਰਦਾਤ ਨੂੰ ਅੰਜਾਮ ਦੇਣਾ ਚਾਹੁੰਦੇ ਹਨ ਜਿਸ ਲਈ ਉਹ ਤਲਵੰਡੀ ਸਾਬੋ ਦੇ ਰਾਮਾਂ ਬਾਈਪਾਸ ਤੇ ਸਥਿਤ ਬੁੱਢਾ ਦਲ ਦੇ ਬਾਗ ਵਿੱਚ ਯੋਜਨਾ ਬਣਾ ਰਹੇ ਹਨ ਜਦੋ ਕਿ ਥਾਣਾ ਮੁੱਖੀ ਵੱਲੋਂ ਉਸ ਸਮੇਂ ਬਠਿੰਡਾ ਰੋੜ ਤੇ ਨਾਕਾ ਲਗਾਇਆ ਹੋਇਆ ਸੀ ਜਿਸ ਤੋ ਬਾਅਦ ਪੁਲਸ ਪਾਰਟੀ ਨੇ ਕਥਿਤ ਦੋਸ਼ੀਆਂ ਦੀ ਭਾਲ ਸੁਰੂ ਕਰ ਦਿੱਤੀ ਜਿਸ ਬਾਰੇ ਕਥਿਤ ਦੋਸ਼ੀਆਂ ਨੂੰ ਪਤਾ ਲੱਗਣ ਤੇ ਕਥਿਤ ਦੋਸ਼ੀਆਂ ਨੇ ਆਪਣੀ ਟਵੇਰਾ ਗੱਡੀ ਨੰ: ਪੀ ਬੀ 03 ਵਾਈ 3772 ਨੂੰ ਭਜਾ ਲਿਆ ਪੁਲਸ ਨੇ ਉਕਤ ਗੱਡੀ ਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿੱਤਾ।ਪਰ ਗੱਡੀ ਤੇਜ ਹੋਣ ਕਰਕੇ ਲਾਲੇਆਣਾ ਰੋਡ ਤੇ ਖੇਤਾਂ ਵਿੱਚ ਪਲਟ ਗਈ,ਪੁਲਸ ਮੁਤਾਬਕ ਗੱਡੀ ਵਿੱਚ 8-9 ਵਿਅਕਤੀ ਮੋਜੂਦ ਸਨ ਜੋ ਕਿ ਮੌਸਮ ਖਰਾਬ ਹੋਣ ਦਾ ਫਾਇਦਾ ਉਠਾ ਕੇ ਉਥੋ ਭੱਜਣ ਵਿੱਚ ਕਾਮਯਾਬ ਹੋ ਗਏ ਪ੍ਰੰਤੂ ਇਨ੍ਹਾਂ ਵਿੱਚ ਦੋ ਨੂੰ ਪੁਲਸ ਨੇ ਕਾਬੂ ਕਰ ਲਿਆ।ਫੜੇ ਗਏ ਵਿਅਕਤੀਆਂ ਵਿੱਚ ਕਾਰ ਡਰਾਇਵਰ ਰਾਜਾ ਸਿੰਘ ਪੁੱੱਤਰ ਮੇਵਾ ਸਿੰਘ ਬੰਗੀ ਰੁੱਘੂ ਅਤੇ ਅਮਰੀਕ ਸਿੰਘ ਪੁੱਤਰ ਸੁਖਦੇਵ ਸਿੰਘ ਵਾਸੀ ਰਾਮਾਂ ਪਿੰਡ ਸ਼ਾਮਿਲ ਹਨ।ਉਕਤ ਦੋ ਤੋ ਇਲਾਵਾ ਸੱਤ ਲੋਕ ਹੋਰ ਜਿੰਨਾ ਵਿੱਚ ਕਾਕਾ ਸਿੰਘ , ਹਰਬੰਸ ਸਿੰਘ, ਜੱਗੂ ਵਾਸੀ ਕਮਾਲੂ,ਗੋਰਾ ਸਿੰਘ ਵਾਸੀ ਰਾਮਾਂ ਪਿੰਡ,ਗੁਰਪ੍ਰੀਤ ਸਿੰਘ ਵਾਸੀ ਮਲਕਾਣਾ,ਹਰਪ੍ਰੀਤ ਸਿੰਘ ਵਾਸੀ ਗਿਆਨਾ ਅਤੇ ਇੱਕ ਅਣਪਛਾਤੇ ਵਿਆਕਤੀ ਖਿਲਾਫ ਧਾਰਾ 399 ਅਤੇ 402 ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਥਾਣਾ ਮੁੱਖੀ ਰਸ਼ਪਾਲ ਸਿੰਘ ਨੇ ਦੱਸਿਆ ਕਿ ਫੜੇ ਗਏ ਕਥਿਤ ਦੋਸ਼ੀਆਂ ਵਿੱਚੋਂ ਅਮਰੀਕ ਸਿੰਘ ਤੋ ਨਜਾਇਜ 315 ਬੋਰ ਦਾ ਪਿਸਤੌਲ ਅਤੇ ਇੱਕ ਕਾਰਤੂਸ ਬਰਾਮਦ ਕੀਤਾ ਗਿਆ ਹੈ ਜਿਸ ਦੇ ਖਿਲਾਫ ਧਾਰਾ 25/54/59 ਤਹਿਤ ਮਾਮਲਾ ਦਰਜ ਕਰਕੇ ਅਗਲੀ ਕਰਵਾਈ ਸ਼ੁਰੂ ਕਰ ਦਿੱਤੀ ਹੈ।ਉਹਨਾਂ ਕਿਹਾ ਕਿ ਬਾਕੀ ਕਥਿਤ ਦੋਸ਼ੀਆਂ ਨੂੰ ਵੀ ਜਲਦੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।

WRITTEN BY