Skip to content
Independent perspectives. Global stories.
BREAKING

ਕਾਸ਼! ਅਸੀਂ ਮਲੇਸ਼ੀਆਈ ਜਹਾਜ਼ ਨੂੰ ਅਗਵਾ ਕਰ ਸਕਦੇ : ਤਾਲਿਬਾਨ

Share this story

ਕੁਆਲਾਲੰਪੁਰ, 18 ਮਾਰਚ (ਪੰਜਾਬ ਟਾਇਮਜ਼ ਬਿਊਰੋ)- ਮਲੇਸ਼ੀਆ ਤੇ ਲਾਪਤਾ ਹਵਾਈ ਜਹਾਜ਼ ਬਾਰੇ ਹਾਲੇ ਤੱਕ ਕੋਈ ਸਪੱਸ਼ਟ ਜਾਣਕਾਰੀ ਨਹੀਂ ਮਿਲ ਸਕੀ ਹੈ। ਹਵਾਈ ਜਹਾਜ਼ ਦੇ ਅਗਵਾ ਦੇ ਖ਼ਦਸ਼ਿਆਂ ਨੂੰ ਖਾਰਜ ਨਹੀਂ ਕੀਤਾ ਗਿਆ ਹੈ ਤੇ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਹਵਾਈ ਜਹਾਜ਼ ਨੂੰ ਪਾਕਿਸਤਾਨ-ਅਫ਼ਗਾਨਿਸਤਾਨ ਸਰਹੱਦ ਦੇ ਕੋਲ ਤਾਲਿਬਾਨ ਦੇ ਅਧੀਨ ਇਲਾਕੇ ’ਚ ਲਿਜਾਇਆ ਜਾ ਸਕਦਾ ਹੈ ਪਰ ਇਨ੍ਹਾਂ ਅਟਕਲਾਂ ਵਿਚਕਾਰ ਤਾਲਿਬਾਨ ਦੇ ਇਕ ਕਮਾਂਡਰ ਨੇ ਅਗਵਾ ਵਿੱਚ ਆਪਣੀ ਭੂਮਿਕਾ ਤੋਂ ਇਨਕਾਰ ਕਰਦਿਆਂ ਕਿਹਾ ਹੈ ਕਿ ਕਾਸ਼! ਉਨ੍ਹਾਂ ਨੂੰ ਇਸ ਤਰ੍ਹਾਂ ਦੇ ਹਵਾਈ ਜਹਾਜ਼ ਨੂੰ ਅਗਵਾ ਕਰਨ ਦਾ ਮੌਕਾ ਮਿਲਦਾ। ਉਸ ਨੇ ਕਿਹਾ ਕਿ ਤਾਲਿਬਾਨ ਸਿਰਫ਼ ਇਸ ਤਰ੍ਹਾਂ ਦੀ ਕਾਰਵਾਈ ਬਾਰੇ ਸੁਪਨੇ ਹੀ ਵੇਖ ਸਕਦਾ ਹੈ। ਦੂਜੇ ਪਾਸੇ ਲਾਪਤਾ ਮਲੇਸ਼ੀਅਨ ਏਅਰਲਾਈਨਜ਼ ਦੇ ਹਵਾਈ ਜਹਾਜ਼ ਸਬੰਧੀ ਸੰਯੁਕਤ ਰਾਸ਼ਟਰ ਨਾਲ ਜੁੜੇ ਇਕ ਪ੍ਰਮਾਣੂ ਨਿਗਰਾਨੀ ਸੰਗਠਨ ਨੇ ਕਿਹਾ ਹੈ ਕਿ ਉਸ ਨੂੰ

ਅਜਿਹੇ ਕਿਸੇ ਧਮਾਕੇ ਜਾਂ ਦੁਰਘਟਨਾ ਦਾ ਪਤਾ ਨਹੀਂ ਲੱਗਾ ਹੈ ਜਿਸ ਦਾ ਲਾਪਤਾ ਹਵਾਈ ਜਹਾਜ਼ ਨਾਲ ਸਬੰਧ ਹੋਵੇ। ਸੰਯੁਕਤ ਰਾਸ਼ਟਰ ਦੇ ਬੁਲਾਰੇ ਸਟੀਫਨ ਦਜਾਰਿਕ ਨੇ ਕਿਹਾ ਕਿ ਵਿਆਨਾ ਸਥਿਤ ਸੀ.ਟੀ.ਬੀ.ਟੀ.ਓ. ਨੇ ਲਾਪਤਾ ਹਵਾਈ ਜਹਾਜ਼ ਬਾਰੇ ਸਪੱਸ਼ਟ ਕੀਤਾ ਹੈ ਕਿ ਹੁਣ ਤੱਕ ਜ਼ਮੀਨ ਜਾਂ ਹਵਾ ਵਿੱਚ ਕਿਸੇ ਵੀ ਹਵਾਈ ਦੁਰਘਟਨਾ ਦਾ ਪਤਾ ਨਹੀਂ ਲੱਗਾ ਹੈ। ਉਨ੍ਹਾਂ ਕਿਹਾ ਕਿ ਸੀ.ਟੀ.ਬੀ.ਟੀ.ਓ. ਦੇ ਨੈ¤ਟਵਰਕ ’ਚ ਦੁਨੀਆ ਭਰ ’ਚ ਅਤਿ ਸੰਵੇਦਨਸ਼ੀਲ ਸੈਂਸਰ ਹਨ ਜੋ ਪ੍ਰਮਾਣੂ ਧਮਾਕਿਆਂ ਤੇ ਭੁਚਾਲਾਂ ਆਦਿ ਦਾ ਪਤਾ ਲਗਾਉਂਦੇ ਹਨ।

WRITTEN BY