ਨਵੀਂ ਦਿੱਲੀ, 28 ਜਨਵਰੀ (ਪੰਜਾਬ ਟਾਇਮਜ਼ ਬਿਊਰੋ)- ਮਨੀ ਲਾਂਡਰਿੰਗ ਮਾਮਲੇ ’ਚ ਈ.ਡੀ. ਨੇ ਵਡੀ ਕਾਰਵਾਈ ਕਰਦਿਆਂ ਤ੍ਰਿਣਮੂਲ ਕਾਂਗਰਸ (ਟੀ.ਐਮ.ਸੀ.) ਦੇ ਰਾਜ ਸਭਾ ਮੈਂਬਰ ਕੇਡੀ ਸਿੰਘ ਦੀ 238 ਕੋਰੜ ਰੁਪਏ ਦੀ ਸੰਪਤੀ ਕੁਰਕ ਕਰ ਲਈ ਹੈ। ਈ.ਡੀ. ਨੇ ਕੁਰਕੀ ਦੀ ਇਹ ਕਾਰਵਾਈ ਮਨੀ ਲਾਂਡਰਿੰਗ ਐਕਟ ਦੇ ਤਹਿਤ ਕੀਤੀ ਹੈ। ਈ.ਡੀ. ਨੇ ਜਿਫਰੀ ’ਚ ਉਸ ਦੇ ਰਿਸੋਰਟ, ਚੰਡੀਗੜ੍ਹ ਸ਼ੋਅਰੂਮ ਸਮੇਤ ਪੰਚਕੂਲਾ, ਪੰਜਾਬ ਤੇ ਹਰਿਆਣਾ ’ਚ ਕੇਡੀ ਸਿੰਘ ਦੀ ਜਾਇਦਾਦ ਕੁਰਕ ਕੀਤੀ ਹੈ। ਈ.ਡੀ. ਨੇ ਐਚ.ਡੀ.ਐਫ.ਸੀ. ਤੇ ਪੀ.ਐਨ.ਬੀ. ਬੈਂਕ ਦੇ ਕੇ.ਡੀ. ਸਿੰਘ ਦੇ ਖਾਤੇ ਵੀ ਕੁਰਕ ਕਰ ਦਿਤੇ ਹਨ। ਈ.ਡੀ. ਦੀ ਇਹ ਅਲਕੈਮਿਸਟ ਗਰੁਪ ਆਫ ਕੰਪਨੀਜ਼ ਖਿਲਾਫ ਵਡੀ ਕਾਰਵਾਈ ਹੈ। ਕੰਪਨੀ ’ਤੇ ਇਲਜ਼ਾਮ ਹੈ ਕਿ ਇਸ ਗਰੁਪ ਨੇ ਨਿਵੇਸ਼ਕਾਂ ਤੋਂ ਵਖ-ਵਖ ਪੋਂਜੀ ਸਕੀਮਾਂ ਰਾਹੀਂ 1900 ਕਰੋੜ ਰੁਪਏ ਵਸੂਲੇ ਹਨ।
WRITTEN BY
