ਚੰਡੀਗੜ੍ਹ, 2 ਮਾਰਚ (ਪੰਜਾਬ ਟਾਇਮਜ਼ ਬਿਊਰੋ)– ਹਰਿਆਣਾ ਖੁਰਾਕ ਤੇ ਦਵਾਈ ਪ੍ਰਸ਼ਾਸਨ ਵਿਭਾਗ ਨੇ ਡਾਕਟਰਾਂ ਵੱਲੋਂ ਵਰਤੋਂ ਕੀਤੀ ਜਾਣ ਵਾਲੀ ਦਵਾਈ ਦੀ ਦੁਰਵਰਤੋਂ ਦੇ ਖਿਲਾਫ ਕਾਰਵਾਈ ਕਰਦੇ ਹੋਏ 40 ਕਿੱਲੋ ਕੋਡੀਨ ਕਫ, ਜੋ ਕਿ ਇੱਕ ਬਹੁਕੌਮੀ ਦਵਾਈ ਕੰਪਨੀ ਏਬਾਟ ਲੈਬੋਰਟਿਜ ਵੱਲੋਂ ਬਣਾਈ ਅਤੇ ਵੇਚੀ ਜਾਂਦੀ ਹੈ, ਦੀ ਤਸਕਰੀ ਦਾ ਪਤਾ ਲਗਾਇਆ ਹੈ। ਇਸ ਤੋਂ ਇਲਾਵਾ, ਵਿਭਾਗ ਨੇ ਇਕ ਕਰੋੜ ਰੁਪਏ ਤੋਂ ਵੱਧ ਮੁੱਲ ਦੀ ਕਫ ਸੀਰਪ ਫੇਨਸੋਡਿਲ ਕਫ ਲਿਕਟਸ ਦੀ 2 ਲੱਖ ਬੋਤਲਾਂ ਫੜੀਆਂ ਹਨ, ਜਿਸ ਦੀ ਸਪਲਾਈ ਇੱਕ ਦੀ ਵਿਨਿਰਮਤਾ ਕੰਪਨੀ ਨੇ ਹਿਸਾਰ ਦੇ ਥੋਕ ਵਿਕਰੇਤਾ ਹਿਸਾਰ ਦੀ ਫਰਮ ਮੈਸਰਜ ਜੇਪੀ ਮੈਡੀਕੋਜ ਨੂੰ ਕੀਤੀ ਸੀ। ਇੱਥੋ ਤੋਂ ਦਵਾਈ ਨੂੰ ਨਾਜਾਇਜ਼ ਢੰਗ ਨਾਲ ਬੰਗਲਾਦੇਸ਼ ਭੇਜਿਆ ਜਾ ਰਿਹਾ ਸੀ ਅਤੇ ਇਸ ਵਿੱਚ ਭਿਵਾਨੀ ਦੇ ਦਵਾਈਆਂ ਦੇ ਥੋਕ ਵਿਕਰੇਤਾ ਦੀ ਮਿਲੀਭਗਤ ਵੀ ਪਾਈ ਗਈ ਹੈ।
ਇਸ ਸਬੰਧ ਵਿੱਚ ਜਾਣਕਾਰੀ ਦਿੰਦੇ ਹੋਏ ਵਿਭਾਗ ਦੇ ਬੁਲਾਰੇ ਨੇ ਦੱਸਿਆ ਕਿ ਇੰਨੀ ਵੱਡੀ ਮਾਤਰਾ ਵਿੱਚ ਕਫ ਸੀਰਪ ਦੀ ਸਪਲਾਈ ਕੰਪਨੀ ਵੱਲੋਂ ਸਿੱਧੇ ਤੌਰ ’ਤੇ ਹਿਸਾਰ ਦੇ ਥੋਕ ਵਿਕਰੇਤਾ ਨੂੰ ਕੀਤੀ ਸੀ ਅਤੇ ਪੂਰਾ ਸਟਾਕ ਨੂੰ ਅੱਗੇ ਭਿਵਾਨੀ ਦੇ ਗੈਰ-ਲਾਇਸੈਂਸਸ਼ੁਦਾ ਥੋਕ ਵਿਕਰੇਤਾ ਨੂੰ ਭੇਜਿਆ ਜਾਣਾ ਸੀ। ਭਿਵਾਨੀ ਦੇ ਇਸ ਥੋਕ ਵਿਕਰੇਤਾ ਦਾ ਲਾਇਸੈਂਸ 2008 ਵਿੱਚ ਖਤਮ ਹੋ ਚੁੱਕਾ ਹੈ। ਇਸ ਤਰ੍ਹਾਂ, ਪੂਰੀ ਵਿਕਰੀ ਭਿਵਾਨੀ ਦੇ ਥੋਕ ਵਿਕਰੇਤਾ ਫਾਰਮ ਨੂੰ ਬਿਨਾ ਕਿਸੇ ਸਪਲਾਈ ਆਰਡਰ ਦੇ ਕੀਤੀ ਗਈ ਸੀ ਅਤੇ ਪੂਰਾ ਭਗਤਾਨ ਵੀ ਨਗਦ ਵਿੱਚ ਕੀਤਾ ਗਿਆ ਹੈ।
ਵਿਭਾਗ ਨੇ ਜਾਂਚ ਵਿਚ ਪਾਇਆ ਕਿ ਪੂਰੀ ਵਿਕਰੀ ਫਰਜੀ ਢੰਗ ਨਾਲ ਹੋਈ ਹੈ, ਕਿਉਂਕਿ ਕਫ ਸੀਰਪ ਦੀ ਵਿਕਰੀ ਜਿਸ ਫਰਮ ਨੂੰ ਕੀਤੀ ਗਈ ਹੈ, ਉਸ ਦਾ ਕੋਈ ਵਜੂਦ ਨਹੀਂ ਹੈ। ਵਿਭਾਗ ਨੇ ਹਿਸਾਰ ਦੀ ਫਰਮ ਅਤੇ ਮਾਲਕ ਦੇ ਖਿਲਾਫ ਹਿਸਾਰ ਦੇ ਪੁਲਿਸ ਥਾਣੇ ਵਿਚ ਐਨ.ਡੀ.ਪੀ.ਐਸ. ਐਕਟ, 1985 ਦੀ ਵੱਖ-ਵੱਖ ਧਾਰਾਵਾਂ ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਇਸ ਮਾਮਲੇ ਵਿੱਚ ਮਾਲ ਆਸੂਚਨਾ ਨਿਰਦੇਸ਼ਾਲਯ, ਕੋਲਕਾਤਾ, ਪੱਛਮੀ ਬੰਗਾਲ ਦੇ ਨਾਲ ਮਿਲ ਕੇ ਜਾਂਚ ਕੀਤੀ ਜਾ ਰਹੀ ਹੈ। ਨਿਰਦੇਸ਼ਾਲਯ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਮੈਸਰਜ ਜੀਪੀ ਮੈਡੀਕੋਜ, ਹਿਸਾਰ ਵੱਲੋਂ ਨਾਜਾਇਜ ਢੰਗ ਨਾਲ ਬੰਗਲਾਦੇਸ਼ ਵਿਚ ਤਸਕਰੀ ਕਰਕੇ ਲਿਜਾਈ ਜਾ ਰਹੀ ਫੇਨਸੇਡਿਲ ਕਪ ਲਿਕਟਸ ਨੂੰ ਨਿਰਦੇਸ਼ਾਲਯ ਨੇ ਬੇਹਰਾਮਪੁਰ (ਪੱਛਮ ਬੰਗਾਲ) ਵਿਚ ਜਬਤ ਕੀਤਾ। ਵਿਭਾਗ ਨੇ ਫਾਰਮ ਦਾ ਲਾਇਸੈਂਸ ਕੰਪਲੈਕਸ ਸੀਲ ਕਰ ਦਿੱਤਾ ਹੈ।
ਬੁਲਾਰੇ ਨੇ ਦਸਿਆ ਕਿ ਇਕ ਹੋਰ ਮਾਮਲੇ ਵਿਚ ਵਿਭਾਗ ਨੇ ਫੇਨਸੇਡਿਲ ਸੀਰਪ ਦੀ 1.50 ਲੱਖ ਬੋਤਲ ਸਪਲਾਈ ਦੇ ਮਾਮਲੇ ਦਾ ਪਤਾ ਲਗਾਇਆ ਹੈ, ਜੋ ਕਿ ਕੰਪਨੀ ਵੱਲੋਂ ਅੰਬਾਲਾ ਦੀ ਦਵਾ ਵਿਕਰੇਤਾ ਮੈਸਰਜ ਲੱਛਮੀ ਡਰਗ ਸਟੋਰ, ਨਿਕੋਲਸਨ ਰੋਡ, ਅੰਬਾਲਾ ਨੂੰ ਕੀਤੀ ਗਈ ਸੀ, ਜਿਸ ਦੇ ਵੱਲੋਂ ਪੂਰੇ ਸਟਾਕ ਨੂੰ ਨਾਜਾਇਜ ਢੰਗ ਨਾਲ ਬਾਜਾਰ ਵਿਚ ਵੇਚਿਆ ਗਿਆ ਸੀ ਅਤੇ ਫਰਜੀ ਦਸਤਾਵੇਜ ਵੱਲੋਂ ਕਿਸੇ ਹੋਰ ਥੋਕ ਵਿਕਰੇਤਾ ਨੂੰ ਵੇਚਣਾ ਵਿਖਾਇਆ ਗਿਆ ਸੀ, ਲੇਕਿਨ ਜਾਂਚ ਵਿਚ ਪਾਇਆ ਗਿਆ ਕਿ ਥੋਕ ਵਿਕਰੇਤਾ ਵੱਲੋਂ ਸੀਰਪ ਦੀ ਇਕ ਵੀ ਬੋਤਲ ਨਹੀਂ ਖਰੀਦੀ ਗਈ । ਵਿਭਾਗ ਨੇ ਫਰਮ ਤੇ ਉਸ ਦੇ ਮਾਲਕ ਦੇ ਖਿਲਾਫ ਐਨ.ਡੀ.ਪੀ.ਸੀ. ਐਕਟ ਦੀ ਵੱਖ-ਵੱਖ ਧਾਰਾਵਾਂ ਅਤੇ ਭਾਰਤੀ ਦੰਡ ਸੰਹਿਤਾ, 1860 ਦੀਆਂ ਵੱਖ-ਵੱਖ ਧਾਰਾਵਾਂ ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਵਿਭਾਗ ਨੇ ਫਰਮ ਦੇ ਲਾਇਸੈਂਸ ਕੰਪਲੈਕਸ ਨੂੰ ਸੀਲ ਕਰ ਦਿੱਤਾ ਹੈ । ਮਾਮਲੇ ਵਿਚ ਵਿਭਾਗ ਵੱਲੋਂ ਅੱਗੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਇਸ ਅਪਰਾਧ ਵਿਚ ਹੋਰ ਲੋਕਾਂ ਦੇ ਸ਼ਾਮਿਲ ਹੋਣ ਦਾ ਪਤਾ ਲਗਾਇਆ ਜਾ ਸਕੇ।
ਉਨ੍ਹਾਂ ਦਸਿਆ ਕਿ ਅੰਬਾਲਾ ਵਿਚ ਹੀ ਇਕ ਹੋਰ ਮਾਮਲੇ ਵਿਚ ਵਿਭਾਗ ਨੇ ਪਾਇਆ ਕਿ ਮੁਬੰਈ ਦੀ ਦਵਾਈ ਕੰਪਨੀ ਵਾਕਹਾਰਟ ਵੱਲੋਂ ਤੇਜ ਦਰਦ ਤੋਂ ਰਾਹਤ ਦਿਵਾਉਣ ਵਾਲੀ ਪ੍ਰੋਕਸੀਵੋਨ ਨਾਮਕ ਬ੍ਰਾਂਡ ਦੇ ਲਗਭਗ ਇਕ ਕਰੋੜ ਕੈਪਸੂਲਾਂ ਦੀ ਸਪਲਾਈ ਰੋਹਤਕ ਦੇ ਥੋਕ ਵਿਕਰੇਤਾ ਕੰਪਨੀ ਮੈਸਰਜ ਬਟਾਲਾ ਮੈਡੀਕੋਲ ਨੂੰ ਲਿਖਤ ਆਦੇਸ਼ਾਂ ਦੇ ਤਹਿਤ ਚੈਕ ਭੁਗਤਾਨ ’ਤੇ ਕੀਤੀ ਗਈ ਸੀ। ਭਾਰਤ ਸਰਕਾਰ ਵੱਲੋਂ ਡੇਕਸਟਰੋਪ੍ਰੋਪੋਜੇਕਸੀਫੀਨ ਅਤੇ ਇਸ ਦੇ ਸਾਲਟ ਤੋਂ ਤਿਆਰ ਦਵਾਈਆਂ ਨੂੰ ਇਸ ਦੀ ਦੁਰਵਰਤੋਂ ਦੇ ਮੱਦੇਨਜ਼ਰ 23 ਮਈ, 2013 ਤੋਂ ਰੋਕ ਲਗਾਈ ਹੋਈ ਹੈ।
