ਚੀਨ : ਤੇਲ ਪਾਈਪ ਲਾਈਨ ‘ਚ ਧਮਾਕਾ, 47 ਲੋਕਾਂ ਦੀ ਮੌਤ

ਬੀਜਿੰਗ, 23 ਨਵੰਬਰ (ਵਿਸ਼ਵ ਵਾਰਤਾ)- ਚੀਨ ਦੇ ਹਵਾਂਗਦਾਓ ਜ਼ਿਲ੍ਹੇ ਵਿਚ ਤੇਲ ਵਾਲੀ ਪਾਈਪ ਲਾਈਨ ਵਿਚ ਹੋਏ ਦੋ ਵੱਡੇ ਧਮਾਕਿਆਂ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ਵਧ ਕੇ 47 ਹੋ ਗਈ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਰਮਚਾਰੀਆਂ ਵੱਲੋਂ ਇਸ ਪਾਈਪ ਲਾਈਨ ਵਿਚੋਂ ਤੇਲ ਰਿਸਾਅ ਨੂੰ ਰੋਕਣ ਲਈ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ ਕਿ ਅਚਾਨਕ ਦੋ ਧਮਾਕਿਆਂ ਨੇ 47 ਲੋਕਾਂ ਦੀ ਜਾਨ ਲੈ ਲਈ ਅਤੇ 136 ਹੋਰ ਜ਼ਖ਼ਮੀ ਹੋ ਗਏ। ਜ਼ਖ਼ਮੀਆਂ ਨੂੰ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਹੈ, ਜਿਥੇ ਕਈਆਂ ਦੀ ਹਾਲਤ ਚਿੰਤਾਜਨਕ ਬਣੀ ਹੋਈ ਹੈ। ਇਨ੍ਹਾਂ ਧਮਾਕਿਆਂ ਕਾਰਨ ਸੜਕਾਂ ਦਾ ਕਾਫੀ ਨੁਕਸਾਨ ਵੀ ਹੋਇਆ ਹੈ।