ਢਾਕਾ ਕਲਾ ਸੰਮੇਲਨ ਵਿੱਚ ਦਿਸੇਗੀ ਭਾਰਤੀ ਕਲਾਕਾਰਾਂ ਦੀ ਚਮਕ

ਨਵੀਂ ਦਿੱਲੀ, 5 ਅਗਸਤ (ਪੰਜਾਬ ਟਾਇਮਜ਼ ਬਿਊਰੋ)-ਦੱਖਣ ਏਸ਼ੀਆ ਦੇ ਕਲਾਕਾਰਾਂ ਅਤੇ ਕਲਾਕ੍ਰਿਤੀਆਂ ਨੂੰ ਇਕ ਮੰਚ ‘ਤੇ ਲਿਆਉਣ ਲਈ ਆਯੋਜਿਤ ਢਾਕਾ ਕਲਾ ਸੰਮੇਲਨ ਦੇ ਦੂਜੇ ਸੰਸਕਰਨ ਵਿਚ ਭਾਰਤ ਦੀ ਕਲਾ ਪ੍ਰਦਰਸ਼ਨੀ ਨੂੰ ਖਾਸ ਥਾਂ ਦਿੱਤੀ ਗਈ ਹੈ। ਬੰਗਲਾਦੇਸ਼ ਦੀ ਰਾਜਧਾਨੀ ਵਿਚ 7 ਤੋਂ 9 ਫਰਵਰੀ ਦਰਮਿਆਨ ਆਯੋਜਿਤ ਇਸ ਸੰਮੇਲਨ ਵਿਚ ਦਿੱਲੀ ਆਧਾਰਿਤ ਰਕਸ ਆਰਟ ਦੀ ਸੰਗ੍ਰਹਿ ਯੋਜਨਾ ਵੀ ਹਿੱਸਾ ਹੋਵੇਗੀ। ਢਾਕਾ ਕਲਾ ਸੰਮੇਲਨ ਦੀ ਸੰਸਥਾਪਕ ਅਤੇ ਡਾਇਰੈਕਟਰ ਨਾਦੀਆ ਸਾਮਦਾਨੀ ਨੇ ਈ-ਮੇਲ ਦੇ ਜ਼ਰੀਏ ਕਿਹਾ, ”ਰਕਸ ਮੀਡੀਆ ਕਲੇਕਟਿਵ ਸੰਮੇਲਨ ਵਿਚ ਆਪਣੀ ਹੁਣ ਤੱਕ ਦੀ ਸਭ ਤੋਂ ਵੱਡੀ ਜਨਤਕ ਕਲਾ ਯੋਜਨਾ ਪੇਸ਼ ਕਰੇਗਾ। ਇਸ ਯੋਜਨਾ ਵਿਚ 160 ਸੂਚਨਾ ਪੱਟਾਂ ਅਤੇ ਸੜਕ ਕਿਨਾਰੇ ਲੱਗਣ ਵਾਲੇ ਵੱਡੇ ਚਿੰਨ੍ਹਾਂ ਦੀ ਵਰਤੋਂ ਕੀਤਾ ਜਾਣਾ ਅਤੇ ਬੰਗਾਲੀ ਸਮੇਤ ਭਾਸ਼ਾਵਾਂ ਦੇ ਵੱਖਰੇ ਤੌਰ ‘ਤੇ ਵਰਤੋਂ ਨਾਲ ਕਲਾਕ੍ਰਿਤੀਆਂ ਨੂੰ ਪੇਸ਼ ਕੀਤਾ ਜਾਵੇਗਾ।”ਇਸ ਸੰਮੇਲਨ ਵਿਚ ਭਾਰਤ ਦੇ ਇਲਾਵਾ, ਪਾਕਿਸਤਾਨ, ਸ਼੍ਰੀਲੰਕਾ, ਨੇਪਾਲ, ਅਫਗਾਨਿਸਤਾਨ ਦੇ ਕਲਾਕਾਰ ਆਪਣੀ ਕਲਾਕ੍ਰਿਤੀਆਂ ਪੇਸ਼ ਕਰਨਗੇ। ਅਪ੍ਰੈਲ 2012 ਵਿਚ ਆਯੋਜਿਤ ਇਸ ਦੇ ਪਹਿਲੇ ਸੰਸਕਰਨ ਵਿਚ 240 ਬੰਗਲਾਦੇਸ਼ੀ ਕਲਾਕਾਰਾਂ ਨੇ ਹਿੱਸਾ ਲਿਆ ਸੀ।