ਨਸ਼ੀਲੇ ਪਦਾਰਥ ਅਤੇ ਅਫ਼ੀਮ ਸਮੇਤ ਰੂਪਨਗਰ ਥਾਣਾ ਸਿਟੀ ਵੱਲੋਂ 1 ਕਾਬੂ

ਰੂਪਨਗਰ, 16 ਸਤੰਬਰ (ਲਾਡੀ ਖਾਬੜਾ)- ਰੂਪਨਗਰ ਪੁਲਸ ਦੇ ਥਾਣਾ ਸਿਟੀ ਦੇ ਏ.ਐਸ.ਆਈ ਸੋਹਣ ਲਾਲ ਵਲੋਂ ਰੂਪਨਗਰ ਦੀ ਨਵੀਂ ਅਨਾਜ ਮੰਡੀ ਵਿਚ ਆੜ੍ਹਤ ਦਾ ਕੰਮ ਕਰਨ ਵਾਲੇ ਰਿਸ਼ੀ ਗੋਇਲ ਪੁਤਰ ਰਾਧੇ ਸ਼ਾਮ ਗੋਇਲ ਵਾਸੀ ਮਕਾਨ ਨੰਬਰ 12 ਨਵੀਂ ਅਨਾਜ ਮੰਡੀ ਨੂੰ ਨਸ਼ੀਲੇ ਪਦਾਰਥ ਅਤੇ ਅਫੀਮ ਦੇ ਨਾਲ ਗ੍ਰਿਫਤਾਰ ਕੀਤਾ ਗਿਆ। ਏ.ਐਸ.ਆਈ ਸੋਹਣ ਲਾਲ 791/ ਆਰ ਸਮੇਤ ਪੁਲਿਸ ਪਾਰਟੀ ਨੇ ਸ਼ਕੀ ਵਿਅਕਤੀਆਂ ਦੀ ਚੈਕਿੰਗ ਦੇ ਸਬੰਧ ਵਿਚ ਲਿੰਕ ਰੋਡ ਨੇੜੇ ਆਈ.ਜੀ.ਪੀ ਦਫ਼ਤਰ ਨਵੀਂ ਅਨਾਜ ਮੰਡੀ ਰੂਪਨਗਰ ਮੌਜੂਦ ਸਨ। ਤਾਂ ਇਕ ਨੌਜਵਾਨ ਨਵੀਂ ਅਨਾਜ ਮੰਡੀ ਵਲੋਂ ਪੈਦਲ ਤੁਰਿਆ ਆਉਂਦਾ ਦਿਖਾਈ ਦਿਤਾ ਜੋ ਪੁਲਿਸ ਪਾਰਟੀ ਨੂੰ ਅਗੇ ਖੜ੍ਹੀ ਦੇਖ ਕੇ ਘਬਰਾ ਕੇ ਇਕ ਦਮ ਪਿਛੇ ਨੂੰ ਮੁੜਨ ਲਗਾ। ਜਿਸ ਨੂੰ ਏ .ਐਸ .ਆਈ ਸੋਹਨ ਲਾਲ ਨੇ ਸਾਥੀ ਕਰਮਚਾਰੀਆਂ ਦੀ ਮਦਦ ਨਾਲ ਕਾਬੂ ਕਰਕੇ ਚੈਕ ਕੀਤਾ ਤਾਂ ਉਸ ਦੀ ਪਹਿਨੀ ਹੋਈ ਕੈਪਰੀ ਦੀ ਖਬੀ ਜੇਬ ਵਿਚੋਂ 40ਗ੍ਰਾਮ ਅਫ਼ੀਮ ਤੇ ਸਜੀ ਜੇਬ ਵਿਚੋਂ ਮਾਚਿਸ ਦੀ ਡਬੀ ਵਿਚ 0.50ਐਮ .ਜੀ ਨਸ਼ੀਲਾ ਪਦਾਰਥ ਬਰਾਮਦ ਹੋਇਆ ।ਜਿਸ ਤੋਂ ਬਾਅਦ ਉਸ ਨੂੰ ਗ੍ਰਿਫਤਾਰ ਕਰਕੇ ਧਾਰਾ ਐਨ.ਡੀ.ਪੀ.ਐਸ ਐਕਟ ਤਹਿਤ ਥਾਣਾ ਸਿਟੀ ਰੂਪਨਗਰ ਮਾਮਲਾ ਦਰਜ ਕਰ ਲਿਆ ਗਿਆ ।ਦੋਸ਼ੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਜਿਸ ਨੂੰ ਕਲ੍ਹ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਵੇਗਾ ।