ਏਸ਼ੀਅਨ ਖੇਡਾਂ ਵਿਚ ਤਮਗਾ ਜੇਤੂ ਖਿਡਾਰੀਆਂ ਨੂੰ ਯੋਗ ਇਨਾਮ ਤੇ ਨੌਕਰੀਆਂ ਦਿੱਤੀਆਂ ਜਾਣਗੀਆਂ – ਖੇਡ ਮੰਤਰੀ

ਚੰਡੀਗੜ – ਹਰਿਆਣਾ ਦੇ ਖੇਡ ਮੰਤਰੀ ਅਨਿਲ ਵਿਜ ਨੇ ਕਿਹਾ ਕਿ 2 ਸਤੰਬਰ, ਤਕ ਜਕਾਰਤਾ ਵਿਚ ਆਯੋਜਿਤ ਕੀਤੇ ਜਾ ਰਹੇ 18ਵੇਂ ਏਸ਼ੀਅਨ ਖੇਡਾਂ ਵਿਚ ਸੂਬੇ ਦੇ ਤਮਗਾ ਜੇਤੂ ਖਿਡਾਰੀਆਂ ਨੂੰ ਯੋਗ ਇਨਾਮੀ ਰਕਮ ਅਤੇ ਯੋਗਤਾ ਅਨੁਸਾਰ ਨੌਕਰੀ ਦਿੱਤੀ ਜਾਵੇਗੀ। ਹਰਿਆਣਾ ਦੇ ਖਿਡਾਰੀਆਂ ਵੱਲੋਂ ਅੱਜ 2 ਹੋਰ ਤਮਗਾ ਜਿੱਤਣ ਨਾਲ ਕੁੱਲ ਤਗਮੀਆਂ ਦੀ ਗਿਣਤੀ 5 ਹੋ ਗਈ ਹੈ ਸ੍ਰੀ ਵਿਜ ਨੇ ਖਿਡਾਰੀਆਂ ਅਤੇ ਸੂਬਾ ਵਾਸੀਆਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਨਿਸ਼ਾਨੇਬਾਜੀ ਵਿਚ ਚਾਂਦੀ ਤਮਗਾ ਜੇਤੂ ਸੰਜੀਵ ਰਾਜਪੂਤ ਨੂੰ 1.50 ਕਰੋੜ ਅਤੇ ਤਾਂਬਾ ਤਮਗਾ ਜੇਤੂ ਅਭਿਸ਼ੇਮ ਵਰਮਾ ਨੂੰ 75 ਲੱਖ ਰੁਪਏ ਇਨਾਮ ਰਕਮ ਤੇ ਨੌਕਰੀ ਦਿੱਤੀ ਜਾਵੇਗੀ। ਉਨਾਂ ਨੇ ਦਸਿਆ ਕਿ ਸੋਨਾ ਤਮਗਾ ਜੇਤੂ ਖਿਡਾਰੀਆਂ ਨੂੰ 3 ਕਰੋੜ ਰੁਪਏ ਦੀ ਇਨਾਮੀ ਰਕਮ ਤੇ ਸ਼੍ਰੇਣੀ ਏ ਦੀ ਨੌਕਰੀ ਦੇਣ ਦਾ ਪ੍ਰਾਵਧਾਨ ਕੀਤਾ ਗਿਆ ਹੈ। ਇਸ ਤਰਾਂ, ਚਾਂਦੀ ਤਮਗਾ ਜੇਤੂ ਖਿਡਾਰੀਆਂ ਨੁੂੰ 1.50 ਕਰੋੜ ਰੁਪਏ ਅਤੇ ਤਾਂਬਾ ਤਮਗਾ ਜੇਤੂ ਖਿਡਾਰੀ ਨੂੰ 75 ਲੱਖ ਰੁਪਏ ਅਤੇ ਨੌਕਰੀ ਦੇਣ ਦੀ ਵਿਵਸਥਾ ਕੀਤੀ ਗਈ ਹੈ। ਖੇਡ ਮੰਤਰੀ ਨੇ ਦਸਿਆ ਕਿ ਤਿੰਨ ਦਿਨ ਤੋਂ ਚੱਲ ਰਹੇ ਇੰਨਾਂ ਖੇਡਾਂ ਵਿਚ ਦੇਸ਼ ਨੇ ਹੁਣ ਤਕ ਕੁੱਲ 9 ਤਮਗੇ ਜਿੱਤੇ ਹਨ, ਜਿਨਾ ਵਿੱਚੋਂ ਹਰਿਆਣਾ ਦੇ ਖਿਡਾਰੀਆਂ ਨੇ 5 ਤਮਗੇ ਜਿੱਤ ਕੇ ਦੇਸ਼ ਵਿਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ। ਇੰਨਾ ਖੇਡਾਂ ਵਿਚ ਵਿਨੇਸ਼ ਫ਼ੋਗਾਟ ਅਤੇ ਬਜਰੰਗ ਪੁਨਿਆ ਨੇ ਕੁਸ਼ਤੀ ਵਿਚ ਸੋਨਾ ਤਮਗਾ, ਲਕਸ਼ ਸ਼ਿਓਰਾਣ ਤੇ ਸੰਜੀਵ ਰਾਜਪੂਤ ਨੇ ਨਿਸ਼ਾਨੇਬਾਜੀ ਵਿਚ ਚਾਂਦੀ ਤਮਗਾ ਅਤੇ ਅਭਿਸ਼ੇਕ ਵਰਮਾ ਨੇ ਤਾਂਬਾ ਤਮਗਾ ਜਿੱਤਿਆ ਹੈ।