ਵਿਆਹ ਦੀ ਰਜਿਸਟ੍ਰੇਸ਼ਨ ਅਤੇ ਤਲਾਕ ਲਈ ਬਣਾਈ ਜਾਏਗੀ ਨਵੀਂ ਪ੍ਰਕਿਰਿਆ
ਇਸਲਾਮਾਬਾਦ, 26 ਫਰਵਰੀ- ਪਾਕਿਸਤਾਨ ਦੀ ਸਰਕਾਰ ਨੇ ਸਿੱਖ ਭਾਈਚਾਰੇ ਦੀਆਂ ਭਾਵਨਾਵਾਂ ਦਾ ਸਤਿਕਾਰ ਕਰਦੇ ਹੋਏ ਦੇਸ਼ ਵਿੱਚ ਆਨੰਦ ਮੈਰਿਜ ਐਕਟ 1909 ਥਾਂ ਸਿੱਖਾਂ ਲਈ ਨਵਾਂ ਵਿਆਹ ਕਾਨੂੰਨ ਬਣਾਉਣ ਦਾ ਫੈਸਲਾ ਲਿਆ ਹੈ। ਪਾਕਿਸਤਾਨ ਵਿੱਚ ਲਾਗੂ ਮੌਜਦਾ ਕਾਨੂੰਨ ਦੀ ਆਲੋਚਨਾ ਹੋ ਰਹੀ ਸੀ। ਪਾਕਿਸਤਾਨ ਵਿੱਚ ਪਹਿਲੀ ਵਾਰ ਸਿੱਖ ਭਾਈਚਾਰੇ ਲਈ ਵੱਖਰਾ ਅਤੇ ਨਵਾਂ ਵਿਆਹ ਕਾਨੂੰਨ ਬਣੇਗਾ। ਇਸ ਦਾ ਮਸੌਦਾ ਤਿਆਰ ਹੋ ਚੁੱਕਾ ਹੈ। ਜਲਦ ਹੀ ਇਸ ਨੂੰ ਪ੍ਰਵਾਨਗੀ ਮਿਲਣ ਦੀ ਸੰਭਾਵਨਾ ਪ੍ਰਗਟ ਕੀਤੀ ਜਾ ਰਹੀ ਹੈ। ਭਾਰਤ ਵਿੱਚ ਹਾਲੇ ਵੀ ਆਨੰਦ ਮੈਰਿਜ ਐਕਟ ਪੂਰੀ ਤਰ੍ਹਾਂ ਲਾਗੂ ਨਹੀਂ ਹੋ ਸਕਿਆ। ਭਾਰਤੀ ਸੰਵਿਧਾਨ ਵਿੱਚ ਵੀ ਸਿੱਖ ਭਾਈਚਾਰੇ ਨੂੰ ਵੱਖਰੀ ਪਹਿਚਾਣ ਨਹੀਂ ਦਿੱਤੀ ਗਈ। ਧਾਰਾ 25 ਦਾ ਵਿਵਾਦ ਹਾਲੇ ਵੀ ਕਾਇਮ ਹੈ ਜਦੋਂ ਕਿ ਮੁਸਲਿਮ ਦੇਸ਼ ਪਾਕਿਸਤਾਨ ਵਿੱਚ ਘੱਟ ਗਿਣਤੀ ਸਿੱਖ ਭਾਈਚਾਰੇ ਨੂੰ ਵਿਸ਼ੇਸ਼ ਤਵੱਜੋ ਦਿੱਤੀ ਜਾ ਰਹੀ ਹੈ। ਨਵੇਂ ਆਨੰਦ ਕਾਰਜ ਐਕਟ ਦੀ ਤਜਵੀਜ਼ ਮਿਸਾਲ ਆਖੀ ਜਾ ਸਕਦੀ ਹੈ। ਇਸਲਾਮਾਬਾਦ, ਲਾਹੌਰ, ਕਰਾਚੀ, ਸਿੰਧ ਅਤੇ ਹੋਰਨਾਂ ਖੇਤਰਾਂ ਵਿੱਚ ਵੱਡੀ ਗਿਣਤੀ ’ਚ ਸਿੱਖ ਵਸੇ ਹੋਏ ਹਨ। ਨਵਾਂ ਕਾਨੂੰਨ ਲਾਗੂ ਕਰਨ ਲਈ ਸਰਕਾਰ ਹਰ ਇਕ ਸੰਘ ਪ੍ਰੀਸ਼ਦ ਵਿਆਹ ਰਜਿਸਟਰੀ ਵਿਚ ਸਿਖ ਵਿਆਹਾਂ ਵਿਚ ਪ੍ਰਵੇਸ਼ ਕਰਨ ਅਤੇ ਦਰਜ ਕਰਨ ਦੇ ਉਦੇਸ਼ ਨਾਲ ਇਕ ਜਾਂ ਇਕ ਤੋਂ ਵਧ ਵਿਅਕਤੀਆਂ ਨੂੰ ਲਾਈਸੈਂਸ ਪ੍ਰਦਾਨ ਕਰੇਗੀ।ਤਲਾਕ ਦੀ ਮੰਗ ਕਰਨ ‘ਤੇ ਸਿਖ ਮਹਿਲਾ ਜਾਂ ਪੁਰਸ਼ ਨੂੰ ਕੌਂਸਲ ਪ੍ਰਧਾਨ ਨੂੰ ਦਸਤਖਤ ਕੀਤਾ ਨੋਟਿਸ ਪੇਸ਼ ਕਰਨਾ ਹੋਵੇਗਾ ਅਤੇ ਉਸੇ ਸਮੇਂ ਆਪਣੇ ਪਤੀ/ਪਤਨੀ ਨੂੰ ਲਿਖਤੀ ਨੋਟਿਸ ਦੀ ਇਕ ਕਾਪੀ ਵੀ ਪ੍ਰਦਾਨ ਕਰਨੀ ਹੋਵੇਗੀ।ਲਿਖਤੀ ਨੋਟਿਸ ਪ੍ਰਾਪਤ ਹੋਣ ਦੇ 30 ਦਿਨਾਂ ਦੇ ਅੰਦਰ, ਪ੍ਰਧਾਨ ਇਕ ਵਿਚੋਲਗੀ ਕੌਂਸਲ ਦਾ ਗਠਨ ਕਰਨਗੇ। ਲਿਖਤੀ ਨੋਟਿਸ ਦੀ ਪ੍ਰਾਪਤੀ ਦੇ 90 ਦਿਨਾਂ ਅੰਦਰ, ਵਿਚੋਲਗੀ ਪ੍ਰੀਸ਼ਦ ਨੂੰ ਦੋਵਾਂ ਪਖਾਂ ਨੂੰ ਮਿਲਣਾ ਹੋਵੇਗਾ ਤਾਂ ਕਿ ਸੁਲਾਹ ਲਈ ਦੋਵਾਂ ਨੂੰ ਸੁਣਿਆ ਜਾ ਸਕੇ।ਸਿਖ ਵਿਆਹ ਦੇ ਟੁਟਣ ਤੋਂ ਬਾਅਦ ਕੋਈ ਵੀ ਪਾਰਟੀ ਜਾਂ ਤਾਂ ਆਪਣੇ ਲਈ ਜਾਂ ਫਿਰ ਕਿਸੇ ਵੀ ਬੇਸਹਾਰਾ ਬਚੇ ਦੇ ਰਖ-ਰਖਾਅ ਜਾਂ ਇਕ ਸਮੇਂ ਦੇ ਭੁਗਤਾਨ ਦੇ ਹੁਕਮ ਦੇ ਰੂਪ ਵਿਚ ਵਿਤੀ ਰਾਹਤ ਲਈ ਅਦਾਲਤ ਵਿਚ ਅਰਜ਼ੀ ਦੇ ਸਕਦੀ ਹੈ। ਅਦਾਲਤ ਕਿਸੇ ਵੀ ਪਾਰਟੀ ਨੂੰ ਵਿਤੀ ਰਾਹਤ ਲਈ ਵਿਆਹ ਦੇ ਸਾਰੇ ਪਹਿਲੂਆਂ ਅਤੇ ਆਮਦਨ ਸਰੌਤਾਂ ਆਦਿ ‘ਤੇ ਵਿਚਾਰ ਕਰਦੇ ਹੋਏ ਆਪਣੇ ਹੁਕਮ ਦੇਵੇਗੀ।ਬਿੱਲ ਦੇ ਮਸੌਦੇ ਮੁਤਾਬਕ ਸਿੱਖ ਵਿਅਕਤੀਆਂ ਵਿਚਕਾਰ ਸਾਰੇ ਵਿਆਹ, ਚਾਹੇ ਇਸ ਕਾਨੂੰਨ ਦੇ ਪਹਿਲੇ ਜਾਂ ਬਾਅਦ ਦੇ ਹੋਣ, ਕਿਸੇ ਯੂਨੀਅਨ ਕੌਂਸਲ ਨਾਲ ਰਜਿਸਟਰ ਹੋਣਗੇ।ਇਸ ਲਈ ਇਕ ਢੁਕਵਾਂ ਸੰਪੂਰਨ ਅਤੇ ਦਸਤਖਤ ਕੀਤਾ ਸਿਖ ਵਿਆਹ ਫੋਰਮ ਵਿਆਹ ਰਜਿਸਟਰਾਰ ਨੂੰ ਪੇਸ਼ ਕੀਤਾ ਜਾਵੇਗਾ।
