ਮੈਡਰਿਡ ਦੀਆਂ ਸੜਕਾਂ ’ਤੇ ਲੋਕਾਂ ਵੱਲੋਂ ਸ੍ਰੀ ਮੋਦੀ ਦਾ ਨਿੱਘਾ ਸਵਾਗਤ
ਮੈਡਰਿਡ, 31 ਮਈ (ਪੰਜਾਬ ਟਾਇਮਜ਼ ਬਿਊਰੋ)- ਪ੍ਰਧਾਨਮੰਤਰੀ ਸ੍ਰੀ ਨਰਿੰਦਰ ਮੋਦੀ ਅਤੇ ਸਪੇਨ ਦੇ ਰਾਸ਼ਟਰਪਤੀ ਸ੍ਰੀ ਮੈਰਿਆਨੋ ਰਾਜੋਏ ਦੀ ਹਾਜ਼ਰੀ ਵਿੱਚ ਬੁੱਧਵਾਰ ਨੂੰ ਦੋਨਾਂ ਦੇਸ਼ਾਂ ਦੇ ਵਿੱਚ ਕਈ ਸਮਝੌਤਿਆਂ ’ਤੇ ਦਸਤਖਤ ਕੀਤੇ ਗਏ। ਪ੍ਰਧਾਨ ਮੰਤਰੀ ਦੀ ਯੂਰੋਪ ਯਾਤਰਾ ਨੂੰ ਬੇਹੱਦ ਉਤਸ਼ਾਹ ਭਰਿਆ ਹੁੰਗਾਰਾ ਮਿਲ ਰਿਹਾ ਹੈ। ਯੁਰਪ ਮਿਸ਼ਨ ਦੀ ਸਫਲਤਾ ਵੱਲ ਵੱਡਾ ਕਦਮ ਵਧਾਉਂਦੇ ਹੋਏ ਭਾਰਤ ਵੱਲੋਂ ਸਪੇਨ ਨਾਲ 7 ਅਹਿਮ ਸਮਝੌਤਿਆਂ ’ਤੇ ਹਸਤਾਖਰ ਕੀਤੇ ਗਏ ਹਨ। ਇਸ ਵਿੱਚ ਸਾਇਬਰ ਸਕਿਉਰਿਟੀ ਅਤੇ ਸਿਵਲ ਏਵੀਏਸ਼ਨ ’ਚ ਤਕਨੀਕੀ ਸਹਿਯੋਗ ਸ਼ਾਮਿਲ ਹੈ। ਸਪੇਨ ਦੀ ਰਾਜਧਾਨੀ ਮੈਡਰਿਡ ਵਿੱਚ ਮੋਂਕੋਲਾ ਪੈਲੇਸ ਵਿਖੇ ਰਾਸ਼ਟਰਪਤੀ ਸ੍ਰੀ ਮੈਰਿਆਨੋ ਰਾਜੋਏ ਅਤੇ ਪ੍ਰਧਾਨਮੰਤਰੀ ਸ੍ਰੀ ਮੋਦੀ ਦਰਮਿਆਨ ਵੱਖ-ਵੱਖ ਦਵੱਲੇ ਮੁੱਦਿਆਂ ’ਤੇ ਲੰਬੀ ਗੱਲਬਾਤ ਹੋਈ। ਇਸ ਪਿੱਛੋਂ ਸਮਝੌਤਿਆਂ ’ਤੇ ਦਸਤਖਤ ਕੀਤੇ ਗਏ। ਪ੍ਰਧਾਨ ਮੰਤਰੀ ਸ੍ਰੀ ਮੋਦੀ ਨੇ ਅੱਤਵਾਦ ਖਿਲਾਫ ਲੜਾਈ ਅਤੇ ਨਵੇਂ ਭਾਰਤ ਦੇ ਸੁਪਨੇ ਨੂੰ ਸੱਚ ਕਰਨ ਲਈ ਸਪੇਨ ਦੇ ਸਹਿਯੋਗ ਨੂੰ ਜ਼ਰੂਰੀ ਦੱਸਿਆ। ਦੋਨਾਂ ਦੇਸ਼ਾਂ ਵਿੱਚ ਕਈ ਮੁੱਦਿਆਂ ’ਤੇ ਆਮ ਸਹਿਮਤੀ ਬਣੀ ਹੈ। 1988 ਤੋਂ ਬਾਅਦ ਸਪੇਨ ਆਉਣ ਵਾਲੇ ਸ੍ਰੀ ਮੋਦੀ ਪਹਿਲੇ ਪ੍ਰਧਾਨ ਮੰਤਰੀ ਹਨ। ਸ੍ਰੀ ਮੋਦੀ ਨੇ ਸਪੇਨ ਦੇ ਰਾਸ਼ਟਰਪਤੀ ਦੀ ਪ੍ਰਸੰਸਾ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਅਗਵਾਈ ਵਿੱਚ ਸਪੇਨ ’ਚ ਆਰਥਿਕ ਇਨਕਲਾਬ ਆਇਆ ਹੈ। ਦੋਨਾਂ ਦੇਸ਼ਾਂ ਦੇ ਵਿੱਚ ਅੰਗ ਪ੍ਰਤਿਆਰੋਪਣ, ਸਾਇਬਰ ਸੁਰੱਖਿਆ, ਰਿਨਿਊਏਬਲ ਏਨਰਜੀ, ਸਿਵਲ ਏਵਿਏਸ਼ਨ ਅਤੇ ਭਾਰਤ ਦੇ ਫਾਰੇਨ ਸਰਵਿਸ ਇੰਸਟੀਟਿਊਟ ਐਂਡ ਡਿਪਲੋਮੈਟਿਕ ਅਕੇਡਮੀ ਆਫ ਸਪੇਨ ਵਾਲੇ ਪੰਜ ਸਮੱਝੌਤਾ ਮੀਮੋ ਉੱਤੇ ਹਸਤਾਖਰ ਕੀਤਾ ਗਿਆ। ਮੈਡਰਿਡ ਪੁੱਜਦੇ ਹੀ ਸੜਕਾਂ ਉੱਤੇ ਲੋਕਾਂ ਵੱਲੋਂ ਪ੍ਰਧਾਨ ਮੰਤਰੀ ਮੋਦੀ ਦੇ ਜੈਕਾਰੇ ਲਗਾਏ ਗਏ ਅਤੇ ਲੋਕ ਸੁਰੱਖਿਆ ਘੇਰਾ ਤੋੜ ਉਨ੍ਹਾਂ ਨੂੰ ਮਿਲਣ ਪਹੁਂਚ ਗਏ। ਬਰਲਿਨ ਦੇ ਬਾਅਦ ਇਹ ਉਨ੍ਹਾਂ ਦਾ ਦੂਜਾ ਪੜਾਉ ਹੈ। ਪ੍ਰਧਾਨਮੰਤਰੀ ਮੋਦੀ ਨੇ ਕਿਹਾ ਕਿ ਭਾਰਤ ਅਤੇ ਸਪੇਨ ਇੱਕ-ਦੂੱਜੇ ਦੇ ਹਿਤਾਂ ਲਈ ਕੰਮ ਕਰਨਗੇ। ਮੋਦੀ ਨੇ ਕਿਹਾ ਕਿ ਭਾਰਤ ਵਿੱਚ ਰੇਲਵੇ, ਸਮਾਰਟ ਸਿਟੀ, ਬੁਨਿਆਦੀ ਢਾਂਚਾ ਸਮੇਤ ਹੋਰ ਖੇਤਰ ਵਿੱਚ ਨਿਵੇਸ਼ ਦੀ ਜ਼ਰੂਰਤ ਹੈ, ਜਿਸਨੂੰ ਪਹਿਲ ਦਿੱਤੀ ਜਾ ਰਹੀ ਹੈ।
