ਚੰਡੀਗੜ੍ਹ, 21 ਮਈ (ਪੰਜਾਬ ਟਾਇਮਜ਼ ਬਿਊਰੋ)- ਹਰਿਆਣਾ ਵਿੱਚ ਵਿਦੇਸ਼ੀ ਨਿਵੇਸ਼ ਨੂੰ ਆਕਰਸ਼ਤ ਕਰਣ ਲਈ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਦੀ ਅਗਵਾਈ ਵਿੱਚ ਉੱਧਮੀਆਂ ਦਾ ਇੱਕ ਪ੍ਰਤੀਨਿਧੀ ਮੰਡਲ ਅੱਜ ਸਵੇਰੇ ਨਵੀਂ ਦਿੱਲੀ ਤੋ ਸਿੰਗਾਪੁਰ ਅਤੇ ਹਾਂਗਕਾਂਗ ਦੀ ਪੰਜ ਦਿਨ (21 ਮਈ ਤੋ 25 ਮਈ ਤੱਕ) ਯਾਤਰਾ ‘ਤੇ ਰਵਾਨਾ ਹੋਇਆ। ਮੁੱਖਮੰਤਰੀ ਦੇ ਨਾਲ ਗਏ ਇਸ ਪ੍ਰਤੀਨਿਧੀ ਮੰਡਲ ਵਿੱਚ ਹਰਿਆਣਾ ਦੇ ਉਦਯੋਗ ਅਤੇ ਵਾਣਿਜ ਮੰਤਰੀ ਵਿਪੁਲ ਗੋਇਲ ਵੀ ਸ਼ਾਮਿਲ ਹਨ।ਯਾਤਰਾ ਦੇ ਦੌਰਾਨ ਉੱਥੇ ਦੇ ਉੱਧਮੀਆਂ ਅਤੇ ਕਾਰੋਬਾਰੀਆਂ ਨੂੰ ਹਰਿਆਣਾ ਵਿੱਚ ਨਿਵੇਸ਼ ਲਈ ਪ੍ਰੋਤਸਾਹਿਤ ਕੀਤਾ ਜਾਵੇਗਾ।
ਹਰਿਆਣਾ ਨੂੰ ਨਿਵੇਸ਼ ਦੀ ਨਜ਼ਰ ਤੋ ਸਭ ਤੋਂ ਜਿਆਦਾ ਅਨੁਕੂਲ ਖੇਤਰ ਦੇ ਰੂਪ ਵਿਕਸਿਤ ਕਰਣਾ ਹਰਿਆਣਾ ਸਰਕਾਰ ਦੀ ਅਹਿਮ ਤਰਜੀਹ ਹੈ।
