Sunday , 5 July 2020
Breaking News
You are here: Home » Religion » ਧਾਰਮਿਕ ਸਥਾਨਾਂ ਸਮੇਤ ਹਰ ਕਿਸਮ ਦੇ ਸਮਾਜਿਕ ਸਮਾਗਮ ‘ਚ 50 ਤੋਂ ਵੱਧ ਲੋਕ ਇੱਕਠੇ ਨਾ ਹੋਣ

ਧਾਰਮਿਕ ਸਥਾਨਾਂ ਸਮੇਤ ਹਰ ਕਿਸਮ ਦੇ ਸਮਾਜਿਕ ਸਮਾਗਮ ‘ਚ 50 ਤੋਂ ਵੱਧ ਲੋਕ ਇੱਕਠੇ ਨਾ ਹੋਣ

ਬਠਿੰਡਾ, 19 ਮਾਰਚ (ਗੁਰਮੀਤ ਸੇਮਾ)- ਕੋਰੋਨਾ ਵਾਇਰਸ ਨੂੰ ਲੈ ਕੇ ਜ਼ਿਲ੍ਹਾ ਪ੍ਰਸ਼ਾਸਨ ਪੂਰੀ ਤਰ੍ਹਾਂ ਮੁਸਤੈਦ ਹੈ ਜ਼ਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਸ੍ਰੀ ਬੀ ਸ੍ਰੀਨਿਵਾਸਨ ਨੇ ਜ਼ਿਲ੍ਹਾ ਵਾਸੀਆ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਸਾਰੇ ਧਾਰਮਿਕ ਸਥਾਨਾਂ, ਅਦਾਰਿਆਂ ਤੇ ਡੇਰਿਆਂ ਤੋਂ ਇਲਾਵਾ ਰੈਸਟੋਰੈਂਟ, ਹੋਟਲ, ਮੈਰਿਜ ਪੈਲਿਸ, ਕਲੱਬ ਵਿਖੇ 50 ਤੋਂ ਵੱਧ ਵਿਅਕਤੀਆਂ ਦਾ ਇਕੱਠ ਨਾ ਕੀਤਾ ਜਾਵੇ। ਇਸ ਤੋਂ ਇਲਾਵਾ ਉਨ੍ਹਾਂ ਇਹ ਵੀ ਕਿਹਾ ਕਿ ਹਰ ਵਿਅਕਤੀ ਤੋਂ ਘੱਟੋਂ-ਘੱਟ ਇੱਕ ਮੀਟਰ ਦੀ ਦੂਰੀ ਬਣਾ ਕੇ ਰੱਖੀ ਜਾਵੇ। ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਜ਼ਿਲ੍ਹੇ ਦੇ ਸਾਰੇ ਸੌਪਿੰਗ ਮਾਲ, ਹਫ਼ਤਾਵਾਰੀ ਮੰਡੀਆਂ ਤੇ ਆਪਣੀਆਂ ਮੰਡੀਆਂ ਤੋਂ ਇਲਾਵਾ ਖੇਡ ਗਤੀਵਿਧੀਆਂ 31 ਮਾਰਚ ਤੱਕ ਬੰਦ ਰਹਿਣਗੀਆਂ। ਉਨ੍ਹਾਂ ਕਿਹਾ ਕਿ ਹਾਲਾਂਕਿ ਸਾਰੀਆਂ ਮੈਡੀਕਲ ਤੇ ਕਰਿਆਣੇ ਦੀਆਂ ਦੁਕਾਨਾ ਖੁਲ੍ਹੀਆਂ ਰਹਿਣਗੀਆਂ। ਡਿਪਟੀ ਕਮਿਸ਼ਨਰ ਨੇ ਜ਼ਿਲ੍ਹਾ ਵਾਸੀਆਂ ਨੂੰ ਇਸ ਸੰਵੇਦਨਸ਼ੀਲ ਸਮੇਂ ਵੱਧ ਤੋਂ ਵੱਧ ਸਾਵਧਾਨੀ ਰੱਖਣ ਦੀ ਅਪੀਲ ਕੀਤੀ ਹੈ ਕਿਉਂਕਿ ਇਸ ਸਮੇਂ ਮਾਮੂਲੀ ਕੁਤਾਹੀ ਵੀ ਵੱਡੀ ਮੁਸ਼ਕਿਲ ਦਾ ਕਾਰਨ ਬਣ ਸਕਦੀ ਹੈ।

Comments are closed.

COMING SOON .....


Scroll To Top
11