Monday , 27 May 2019
Breaking News
You are here: Home » NATIONAL NEWS » 5ਵੇਂ ਪੜਾਅ ਲਈ 7 ਸੂਬਿਆਂ ਦੇ 51 ਹਲਕਿਆਂ ’ਚ ਵੋਟਾਂ ਅੱਜ

5ਵੇਂ ਪੜਾਅ ਲਈ 7 ਸੂਬਿਆਂ ਦੇ 51 ਹਲਕਿਆਂ ’ਚ ਵੋਟਾਂ ਅੱਜ

ਸੋਨੀਆ, ਰਾਹੁਲ, ਰਾਜਨਾਥ ਤੇ ਸਮ੍ਰਿਤੀ ਦੀ ਅਗਨੀ ਪ੍ਰੀਖਿਆ ਅਮੇਠੀ ਸੀਟ ’ਤੇ ਟਿਕੀਆਂ ਪੂਰੇ ਦੇਸ਼ ਦੀਆਂ ਨਜ਼ਰਾਂ

ਨਵੀਂ ਦਿੱਲੀ, 5 ਮਈ- ਲੋਕ ਸਭਾ ਚੋਣਾਂ ਦੇ 5ਵੇਂ ਪੜਾਅ ਤਹਿਤ ਸਤ ਸੂਬਿਆਂ ਦੀਆਂ 51 ਸੀਟਾਂ ’ਤੇ 6 ਮਈ ਨੂੰ ਮਤਦਾਨ ਹੋ ਰਿਹਾ ਹੈ। ਜਿਨ੍ਹਾਂ ਵਿਚ ਬਿਹਾਰ (5), ਜੰਮੂ-ਕਸ਼ਮੀਰ (20, ਝਾਰਖੰਡ (4), ਮਧ ਪ੍ਰਦੇਸ਼ (7), ਰਾਜਸਥਾਨ (12), ਉਤਰ ਪ੍ਰਦੇਸ਼ (14) ਤੇ ਪਛਮੀ ਬੰਗਾਲ (7)। ਸ਼ਾਮਿਲ ਹਨ। ਇਸ ਪੜਾਅ ਵਿਚ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ, ਸੋਨੀਆ ਗਾਂਧੀ, ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਅਤੇ ਸਮ੍ਰਿਤੀ ਇਰਾਨੀ ਸਮੇਤ ਕਈ ਦਿਗਜ ਆਗੂਆਂ ਦੀ ਕਿਸਮਤ ਦਾ ਫ਼ੈਸਲਾ ਹੋਵੇਗਾ। ਸੋਮਵਾਰ ਨੂੰ 5ਵੇਂ ਪੜਾਅ ਦੀਆਂ ਵੋਟਾਂ ਪੈਣ ਨਾਲ ਲੋਕ ਸਭਾ ਦੀਆਂ 425 ਸੀਟਾਂ ਲਈ ਵੋਟਿੰਗ ਪੂਰੀ ਹੋ ਜਾਵੇਗੀ ਅਤੇ ਬਾਕੀ 2 ਪੜਾਵਾਂ ’ਚ 118 ਸੀਟਾਂ ਲਈ ਪੋਲਿੰਗ ਬਾਕੀ ਰਹਿ ਜਾਵੇਗੀ। 5ਵੇਂ ਪੜਾਅ ਵਿਚ 8,75,88,722 ਵੋਟਰ 674 ਉਮੀਦਵਾਰਾਂ ਦੀ ਕਿਸਮਤ ਦਾ ਫ਼ੈਸਲਾ ਕਰਨਗੇ ਅਤੇ ਚੋਣ ਪ੍ਰਕਿਰਿਆ ਲਈ 96,088 ਪੋਲਿੰਗ ਸਟੇਸ਼ਨ ਬਣਾਏ ਗਏ ਹਨ। 5ਵੇਂ ਪੜਾਅ ਦੇ 674 ਉਮੀਦਵਾਰਾਂ ’ਚ ਕਈ ਦਿਗਜ ਨੇਤਾ ਸ਼ਾਮਿਲ ਹਨ, ਜਿੰਨ੍ਹਾਂ ਵਿੱਚ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਦਾ ਅਮੇਠੀ ਤੋਂ ਭਾਜਪਾ ਦੀ ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਨਾਲ ਮੁਕਾਬਲਾ ਹੈ।ਜ਼ਿਕਰਯੋਗ ਹੈ ਕਿ ਅਮੇਠੀ ਦੀ ਸੀਟ ’ਤੇ ਪੂਰੇ ਦੇਸ਼ ਦੀਆਂ ਨਜ਼ਰਾਂ ਟਿਕੀਆਂ ਹਨ। ਲਖਨਊ ਤੋਂ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਦੇ ਮੁਕਾਬਲੇ ਸਮਾਜਵਾਦੀ ਪਾਰਟੀ ਦੀ ਪੂਨਮ ਸਿਨਹਾ ਚੋਣ ਮੈਦਾਨ ਵਿਚ ਹੈ। ਉਤਰ ਪ੍ਰਦੇਸ਼ ਦੇ ਰਾਏਬਰੇਲੀ ਹਲਕੇ ਤੋਂ ਸੋਨੀਆ ਗਾਂਧੀ ਖ਼ਿਲਾਫ਼ ਭਾਜਪਾ ਦੇ ਦਿਨੇਸ਼ ਪ੍ਰਤਾਪ ਸਿੰਘ ਚੋਣ ਲੜ ਰਹੇ ਹਨ।ਲਖਨਊ ਸੀਟ ’ਤੇ ਕੇਂਦਰੀ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਦੇ ਸਾਹਮਣੇ ਸਮਾਜਵਾਦੀ ਪਾਰਟੀ ਦੀ ਟਿਕਟ ’ਤੇ ਪੂਨਮ ਸਿਨਹਾ ਹੈ। ਉਥੇ ਹੀ ਕਾਂਗਰਸ ਨੇ ਪ੍ਰਸਾਦ ਕ੍ਰਿਸ਼ਣਮ ਨੂੰ ਮੈਦਾਨ ’ਚ ਉਤਾਰਿਆ ਹੈ। ਭਾਜਪਾ ਦਾ ਪਲਾ ਛਡ ਕੇ ਕਾਂਗਰਸ ਨਾਲ ਹਥ ਮਿਲਾ ਚੁਕੇ ਸ਼ਤਰੂਘਨ ਨੇ ਪਿਛਲੇ ਦਿਨੀਂ ਆਪਣੀ ਪਤਨੀ ਲਈ ਵੋਟਾਂ ਮੰਗੀਆਂ ਸਨ। ਰਾਏਬਰੇਲੀ ਕਾਂਗਰਸ ਦੀ ਰਵਾਇਤੀ ਸੀਟ ਹੈ। ਇਥੋਂ ਸੋਨੀਆ ਗਾਂਧੀ ਖ਼ਿਲਾਫ਼ ਭਾਜਪਾ ਨੇ ਦਿਨੇਸ਼ ਪ੍ਰਤਾਪ ਸਿੰਘ ਨੂੰ ਉਮੀਦਵਾਰ ਬਣਾਇਆ ਹੈ। ਦਿਨੇਸ਼ 2 ਵਾਰ ਕਾਂਗਰਸ ਵਿਧਾਨ ਪ੍ਰੀਸ਼ਦ ਦੇ ਮੈਂਬਰ ਰਹੇ ਹਨ ਤੇ ਪਿਛਲੇ ਸਾਲ ਅਪ੍ਰੈਲ ’ਚ ਭਾਜਪਾ ਵਿਚ ਸ਼ਾਮਿਲ ਹੋਏ ਸਨ। ਉਸ ਤੋਂ ਪਹਿਲਾਂ ਉਹ ਵਿਧਾਨ ਪ੍ਰੀਸ਼ਦ ’ਚ ਕਾਂਗਰਸ ਦੇ ਆਗੂ ਸਨ।

Comments are closed.

COMING SOON .....


Scroll To Top
11