Tuesday , 18 September 2018
Breaking News
You are here: Home » NATIONAL NEWS » ਮੁੰਬਈ ’ਚ ਇਮਾਰਤ ਨੂੰ ਲੱਗੀ ਭਿਆਨਕ ਅੱਗ, 4 ਦੀ ਮੌਤ, 16 ਝੁਲਸੇ

ਮੁੰਬਈ ’ਚ ਇਮਾਰਤ ਨੂੰ ਲੱਗੀ ਭਿਆਨਕ ਅੱਗ, 4 ਦੀ ਮੌਤ, 16 ਝੁਲਸੇ

ਮੁੰਬਈ – ਦੇਸ਼ ਦੀ ਆਰਥਿਕ ਰਾਜਧਾਨੀ ਮੁੰਬਈ ਦੇ ਪਰੇਲ ਇਲਾਕੇ ’ਚ ਇਕ ਬਹੁਮੰਜ਼ਿਲਾ ਇਮਾਰਤ ਨੂੰ ਅਗ ਲੱਗ ਗਈ, ਜਿਸ ਕਾਰਨ 4 ਲੋਕਾਂ ਦੀ ਮੌਤ ਹੋ ਗਈ ਅਤੇ 16 ਲੋਕ ਜ਼ਖਮੀ ਹੋ ਗਏ।ਅੱਗ ਲਗਣ ਦੇ ਕਾਰਨਾਂ ਦਾ ਪਤਾ ਨਹੀਂ ਚਲ ਸਕਿਆ ਹੈ।ਅਗ ਲਗਣ ਦੀ ਸੂਚਨਾ ਤੁਰੰਤ ਫਾਇਰ ਬਿਗ੍ਰੇਡ ਵਿਭਾਗ ਨੂੰ ਦੇ ਦਿਤੀ ਗਈ ਹੈ। ਜਾਣਕਾਰੀ ਮਿਲਦੇ ਹੀ ਫਾਇਰ ਬਿਗ੍ਰੇਡ ਦੀਆਂ ਗਡੀਆਂ ਮੌਕੇ ’ਤੇ ਪੁਜ ਗਈਆਂ ਅਤੇ ਅਗ ’ਤੇ ਕਾਬੂ ਪਾਇਆ।ਇਮਾਰਤ ’ਚ ਫਸੇ ਲੋਕਾਂ ਨੂੰ ਕਰੇਨ ਦੀ ਮਦਦ ਨਾਲ ਬਾਹਰ ਕਢਿਆ ਗਿਆ।10-15 ਲੋਕਾਂ ਨੂੰ ਇਮਾਰਤ ਤੋਂ ਸੁਰਖਿਅਤ ਬਾਹਰ ਕਢ ਲਿਆ ਗਿਆ ਹੈ।ਇਹ ਅਗ ਪਰੇਲ ਦੇ ਹਿੰਦਮਾਤਾ ਸਿਨੇਮਾ ਨੇੜੇ ਲਗੀ ਹੈ।ਕ੍ਰਿਸਟਲ ਟਾਵਰ ਨਾਂ ਦੀ ਇਮਾਰਤ ਦੀ 12ਵੀਂ ਮੰਜ਼ਿਲ ’ਚ ਇਹ ਹਾਦਸਾ ਹੋਇਆ ਹੈ।ਫਾਇਰ ਬਿਗ੍ਰੇਡ ਦੀਆਂ 10 ਗਡੀਆਂ ਮੌਕੇ ’ਤੇ ਮੌਜੂਦ ਸਨ।ਮੀਡੀਆ ਰਿਪੋਰਟ ਮੁਤਾਬਕ ਅਗ ਸ਼ਾਰਟ ਸਰਕਟ ਦੇ ਕਾਰਨ ਲਗੀ ਹੋਵੇਗੀ, ਪਰ ਅਜੇ ਇਸ ਬਾਰੇ ’ਚ ਕੋਈ ਠੋਸ ਰਿਪੋਰਟ ਨਹੀਂ ਆਈ। ਉਥੇ ਸਿਹਤ ਖਰਾਬ ਹੋਣ ਕਾਰਨ 16 ਲੋਕਾਂ ਨੂੰ ਹਸਪਤਾਲ ਦਾਖਲ ਕਰਾਇਆ ਗਿਆ। ਅੱਗ ਨੂੰ ਕਾਬੂ ਪਾਉਣ ਲਈ ਫਾਇਰਬ੍ਰਿਗੇਡ ਦੀਆਂ ਗੱਡੀਆਂ ਮੌਕੇ ’ਤੇ ਪਹੁੰਚੀਆਂ ਜਿਨ੍ਹਾਂ ਨੇ ਕਾਫੀ ਮੁਸ਼ੱਕਤ ਤੋਂ ਬਾਅਦ ਅੱਗ ’ਤੇ ਕਾਬੂ ਪਾਇਆ। ਫਾਇਰ ਬ੍ਰਿਗੇਡ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਇਮਾਰਤ ’ਚ ਅੱਗ ਬੁਝਾਉਣ ਦੇ ਕੋਈ ਪ੍ਰਬੰਧ ਪਹਿਲਾਂ ਤੋਂ ਨਹੀਂ ਕੀਤੇ ਗਏ ਸਨ, ਜਿਸ ਕਰਕੇ ਸੁਸਾਇਟੀ ’ਤੇ ਕੇਸ ਦਰਜ ਕੀਤਾ ਜਾਵੇਗਾ ਅਤੇ ਇਮਾਰਤ ਨੂੰ ਅਸੁਰੱਖਿਅਤ ਐਲਾਨਿਆ ਗਿਆ ਹੈ ਅਤੇ ਬਿਜਲੀ ਤੇ ਪਾਣੀ ਦੀ ਸਪਲਾਈ ਰੋਕ ਦਿੱਤੀ ਗਈ ਹੈ।

Comments are closed.

COMING SOON .....
Scroll To Top
11